गर्भनर महाप्रसाद अधिकारीले राष्ट्र बैंक सहकारीमा छिर्न नचाहेको बताएका छन् । म्यानेजमेन्ट एसोसिएसन अफ नेपाल ‘म्यान’ले आयोजना गरेको आगामी आर्थिक वर्षको मौद्रिक नीतिमाथिको छलफल कार्यक्रममा बोल्दै गभर्नर अधिकारीले सहकारी स्वनियमनमा सञ्चालन हुने संस्था भएको बताए ।
उनले भने, ‘तथापि, सहकारीहरु नियमनमा रहनुपर्छ भन्ने कुरा हामीले वर्षौंदेखि भन्दै आएका छौं । कन्फिडेन्सको कुरा आउँछ, वित्तीय कारोबार गर्ने संस्थाहरुमा अविश्वास बढ्यो भने केहीले पनि धान्न सक्दैन । सहकारीमा पनि भएको त्यही हो । ’ उनले सहकारीमा पहिलाको जस्तो समस्या नआउने समेत बताए । गर्भनर अधिकारीले सहकारीको पैसा जग्गामा फसेको हुन सक्ने जनाए ।
