नेपालपत्र संवाददाता
नेपाल राष्ट्र बैंकले आगामी आर्थिक वर्ष २०८०–८१ को मौद्रिक नीतिका लागि सुझाव माग गरेको छ । मौद्रिक नीतिको तयारी गरिरहेको राष्ट्र बैंकले सर्वसाधारण तथा सरोकारवालाबाट राय सुझाव मागेको हो । सुझाव असार १० गतेभित्र पठाउनुपर्ने राष्ट्र बैंकले जनाएको छ ।
ईच्छुक सरोकारवालाले आफ्ना सुझावहरु राष्ट्र बैंकको आर्थिक अनुसन्धान विभागको इमेलः monetaripolicy@nrb.gov.np मा पठाउन सक्नेछन् भने ०१–४४१७४९७ मा फोन गरेर वा ०१–४४३३३६५ मा फ्याक्स गरेर समेत मौद्रिक नीतिका लागि सुझाव दिन सकिनेछ ।
नेपाल राष्ट्र बैंक ऐन, २०५८ मा व्यवस्था भएबमोजिम राष्ट्र बैंकले प्रत्येक वर्ष मौद्रिक नीति सार्वजनिक गर्दै आएको छ। साउनको दोश्रो सातासम्म मौद्रिक नीति प्रकाशन गर्ने राष्ट्र बैंकको तयारी रहेको छ ।
