नेपाल राष्ट्र बैंकले होटल रेष्टुरेन्ट, पशुपन्छीपालन, निर्माण क्षेत्रसँग सम्बन्धित वा ५ करोडसम्मको कर्जा लिएका ऋणीहरुको कर्जा पुनर्संरचना/पुनर्तालिकिकरण गर्न असार मसान्तसम्मको समयसीमा पुन स्पष्ट पारेको छ ।
राष्ट्र बैंकले एक वित्तीय चेतनाका लागि जारी गरेको सूचनामा चैत्र मसान्तसम्म सक्रिय वर्गमा रहेको ऋणीहरुलाई उद्योग वा व्यवसायको नगद प्रवाह तथा आम्दानी विश्लेषण गरी कर्जाको पुनर्संरचना/पुनर्तालिकीकरण गर्न सकिने व्यवस्था गरेको जनाएको हो ।
त्यस्तो सुविधाका लागि ऋणीले भविष्यको व्यवसायिक योजना, अनुमानित नगद प्रवाह, विस्तृति वित्तीय विवरण आदिसहित कर्जा लिएको बैंक वा वित्तीय संस्थासँग अनुरोध गर्न सक्नेछ ।
कर्जा प्रदान गर्ने संस्थाले अनुरोध औचित्यपूर्ण देखेमा ऋणीले तिर्नुपर्ने ब्याजको कम्तीमा १० प्रतिशत लिई कर्जा पुनर्तालिककीकरण गर्न सक्नेछन् ।
उक्त विषयमा कुनै द्विविधा भएमा समबन्धित संस्थाको गुनासो सुन्ने अधिकारीसमक्ष गुनासो दर्ता गर्न सकिने र सम्बन्धित संस्थाबाट सुनवाइ नभएमा नेपाल राष्ट्र बैंकमा रहेको वित्तीय ग्राहक संरक्षण इकाइमा गुनासो दर्ता गर्न सकिने जनाएको छ ।
