नेचुरल बचत तथा ऋण सहकारी संस्था स्थापनाको १६ औं बर्षमा प्रवेश गरेको छ । संस्थाका प्रमुख कार्यकारी सञ्चालक विकल्प पाठकले समुदायमा केन्द्रित रहेर सदस्यको मनोभावना अनुसार संस्थाले वित्तीय कारोवार गर्दै आएको बताए ।
‘सदस्यको हात, सदस्यलाई साथ’ भन्ने उदेश्यका साथ संस्थाले उनीहरुको आर्थिक, सामाजिक तथा सांस्कृतिक रुपान्तरणमा महत्वपुर्ण भुमिका खेल्दै आएको उनले बताएका छन् । पाठकले संस्थाले विभिन्न असहज परिस्थितिका बावजुद पनि संदस्यको उन्नतीलाई सर्वोपरी ठानी वित्तीय तथा अन्य सहयोग गर्दै आएको बताए । विषम परिस्थितिमा पनि वित्तीय सुरक्षाको प्रत्याभुति सुनिश्चित गर्न सक्नुमा संस्थाप्रति सदस्यहरुले देखाएको विश्वास भएको उनले जनाए । स्वनियम तथा सुशासनयुक्त,समुदायमा आधारित, सदस्य केन्द्रित र मुलुककै एक उत्कृष्ट एंव अग्रणी सहकारी संस्था स्थापित गर्न आफुहरु प्रतिवद्ध भएर लागि परेको सो अवसरमा उनले जनाएका छन् ।
प्रविधि मैत्री सेवाका साथै विभिन्न सामाजिक क्रियाकलाप मार्फत संस्थाले आफ्नो सामाजिक उतरदायित्व वहन गर्दै समुदाय र सदस्यलाई सेवा दिदैँ आएको छ । १६ बर्षको यात्रामा साथ र सहयोग ंदिने शेयर सदस्य, सञ्चालक समिति, लेखा सुपरिवेक्षण तथा विभिन्न समिति ,कर्मचारी,नियमक निकाय र शुभ चिन्नतकप्रति संस्थाले आभार प्रकट गरेको छ ।
