आभाष बचत तथा ऋण सहकारी संस्थाले चैत्र मसान्तसम्मको अपरिष्कृत वित्तीय विवरण प्रकाशित गरेको छ । प्रकाशित वित्तीय विवरण अनुसार संस्थामा २०.३९ प्रतिशत अर्थात १२ करोड १२ लाख ४४ हजार रूपैया तरलता रकम रहेको छ ।
संस्थाको शेयरपुँजी ३ करोड ७८ लाख २४ हजार, जगेडा कोष १ करोड ९१ लाख ८७ हजार, कुल संस्थागत पुँजी २ करोड ३९ लाख ५ हजार, अन्य कोषमा २ करोड ७० लाख र कुल बचत ६९ करोड ४४ लाख ९० हजार रहेको छ । संस्थाले ५६ करोड १५ लाख ४० हजार ऋण लगानी गरेको जनाएको छ । संस्थामा ५ हजार ५ सय ७ जना शेयर सदस्य, ६९५ बाल बचतकर्ता र ४४६ जना ऋणी सदस्य रहेका छन् ।
ज्येष्ठ सदस्य सम्मानित
त्यसैगरी संस्थाले जेष्ठ सदस्यलाई सम्मान गरेको छ । संस्थामा आवद्ध ७५ बर्ष भन्दामाथि उमेर भएका १ सय ६१ जना सदस्यलाई सम्मान गरिएको अध्यक्ष दिनेशराज कायष्ठले जानकारी दिए ।
बनेपा नगर प्रमुख शान्तिरत्न शाक्य र संस्थाका प्रमुख सल्लाहकार सुरकृष्ण बैद्यले उनीहरुलाई दोसल्ला, सम्मानपत्र र खाद्यपदार्थ प्रदान गरी सम्मान गरे । कार्यक्रममा हालै सम्पन्न नेपाल उद्योग वाणिज्य महासंघको साधारणसभाबाट उपाध्यक्ष ९जिल्ला र नगर० पदमा निर्वाचित संस्थाका प्रमुख सल्लाहकार सुरकृष्ण वैद्यलाई सम्मान गरिएको थियो ।
सामाजिक उत्तरदायित्वको कार्य गर्दै आएको संस्थाले शिर मेमोरियल अस्पताल बनेपामा छोरी जन्म दिने २ जनालाई बैशाख १ गते र स्थापना दिवसको दिन प्रोत्साहन स्वरुप १० हजार रुपैयाँ सहयोग समेत गर्दै आएको प्रमुख व्यवस्थापक सुवास वैद्यले जानकारी दिए ।
