सहारा नेपाल बचत तथा ऋण सहकारी संस्थाको तरलतामा वृद्धि भएको छ । झापाकाे बिर्तामाेडमा मुख्य कार्यालय रहेकाे संस्थाको चैत्र मसान्तसम्मको अपरिष्कृत वित्तीय विवरण अनुसार तरलता बृद्धि भएको हाे ।
फागुन मसान्तमा संस्थाको तरलता २२.२२ प्रतिशत रहेको चैत्र मसान्तमा बृद्धि भएर २३.२७ प्रतिशत पुगेको हो । तरलता १२ करोड ७४ लाखले वृद्धि भइ २ अर्व ३६ करोड ८४ लाख ४३ हजार रुपैंयाँबाट चैत्र महिनामा २ अर्व ४९ करोड ५८ लाख ९६ हजार पुगेको हो ।
वित्तीय विवरण अनुसार संस्थाको जगेडा कोषमा मात्र १ अर्व ११ करोड २१ लाख ६६ हजार ८४० रुपैयाँ र अन्य विभिन्न कोषहरुमा ४४ करोड ३ लाख ३८ हजार ७२ रुपैयाँ सञ्चित रहेको छ ।
संस्थाको सेयर पूँजी १ अर्व ६४ करोड १३ लाख ३ हजार १ सय रुपैयाँ रहेको छ । त्यसैगरी बचत १० अर्ब ७२ करोड ४१ लाख र कर्जा लगानी ११ अर्ब ८८ करोड ९१ लाख रहेको छ ।
संस्थाको कुल वासलात १५ अर्ब ६१ करोड ६० लाख २१ हजार रहेको छ । संस्थामा १ लाख ६० हजार २५९ सदस्य आवद्ध रहेकामध्ये ८२ हजार ९१ जनाले ऋण लिएका छन् ।
