दोलखाको सदरमुकाम चरिकोटमा रहको परोपकार महिला साकोस स्थापनाको दशौं वर्ष पूरा भई ११ औं वर्षमा प्रवेश गरेको छ । संस्थाले स्थापना दिवसको अवसरमा भीमेश्वर न.पा. ६ स्थित आमाको माया छात्राबासमा खाद्यान्न सामग्री हस्तान्तरण गरेको छ । संस्थाले हरेक वर्ष स्थापना दिवसका अवसरमा सामाजिक उत्तरदायित्व अन्तर्गत यस्ता कार्यक्रम गर्दै आएको जनाएको छ ।
संस्थालाई अहिलेको अवस्थासम्म ल्याउन मूख्य भूमिका निर्वाह गर्ने संस्थाका शेयर सदस्य, बाल बचतकर्ता, संस्थामा कार्यरत कर्मचारी, सञ्चालक समिति, विभिन्न उपसमिति र शुभचिन्तकप्रति हार्दिक आभार व्यक्त गरेको छ ।
यस अवधिसम्म आइपुग्दा संस्थामा १७५६ जना शेयर सदस्य र ३६१ जना बाल बचतकर्ता आवद्व रहेका छन् भने संस्थाको २०७८ असार मसान्तसम्म कूल पूँजी १२ करोड ३४ लाख बाईस हजार पुगेको छ ।
संस्थाले यस अवधिमा सदस्यहरूलाई बचत ऋणको अलावा विभिन्न सीपमूलक तालिम सञ्चालनका साथै समुदायलक्षित सामाजिक गतिविधि गर्दै आएको छ । संस्थाले नेफ्स्कुनबाट सञ्चालित जोखिममा आधारित साकोस सुपरिवेक्षण कार्यक्रममा सम्झौता गरि ब्राण्ड प्राप्त गर्न आफ्ना सूचकहरूलाई पूरा गराउँदै लाने प्रयास गरिरहेको जनाएको छ ।
