भीमेश्वर नगरपालिका बडा न.६ दोलखामा रहेको परोपकार महिला बचत तथा ऋण सहकारी संस्थाले वितीय विवरण सार्वजनिक गरेको छ । संस्थाले सहकारी विभागको निर्देशन अनुरुप यस आर्थिक बर्षको फागुन मसान्तसम्मको वितीय विवरण प्रकाशित गरेको हो ।
संस्थाले प्रकाशित गरेको वितीय विवरण अनुसार शेयर पुँजी १ करोड,५९ लाख,३०हजार ,जगेडा कोष ४८ लाख ,४८ हजार र कूल संस्थागत कोष ४९ लाख, ६२ हजार रहेको छ । त्यसैगरी संस्थाको विभिन्न कोषहरुमा ७८ लाख,१७ हजार तथा कूल बचत ९करोड,६७ लाख ३८ हजार रहेको छ । संस्थाले ३७५ शेयर सदस्यमाझ १२ करोड,२१ लाख, ७५ हजार रुपैया लगानी गरेको छ ।
संस्थामा १८.२७ प्रतिशत अर्थात १ करोड ७६ लाख, ७० हजार तरलता रकम रहेको छ । संस्थामा २ हजार ५२ जना सदस्य आवद्ध रहेका छन । संस्थाको कूल सम्पती १४ करोड,२३लाख, ७७ हजार रहेको अध्यक्ष शर्मिला सापकोटाले जानकारी दिइन ।
