सहकारी विभागले युवा लक्षित वित्तीय साक्षरतासम्बन्धी कार्यक्रमहरु गर्न अनुरोध गरेको छ । विभागले आज एक सूचना जारी गदै सहकारी संस्थाहरुलाई चैत ६ गतेदेखि १२ सम्म विभिन्न कार्यक्रम गरी ग्लोबल मनी विक–२०२३ मनाउन र यससम्बन्धी जानकारी विभागलाई समेत उपलब्ध गराउन भनेको छ ।
युवाहरुमा वित्तीय शिक्षाको महत्वबारे जागरण ल्याउने उद्देश्यले अर्गनाइजेशन अफ इकोनोमी कोअपरेसन एण्ड डेभलपमेन्टको संयोजनमा विश्वका धेरै देशमा यो दिवस मनाइन्छ । दिवसका लागि यस वर्ष ‘प्लान योर मनी, प्लान योर फ्युचर’ भन्ने थिम तय गरिएको छ।
