सहकारी तथा गरिवी सम्बन्धी व्यवस्थापन सूचना प्रणाली (कोपोमिस) मा समष्टिगत विवरण भर्ने सहकारीको संख्या १३ हजार १ सय ५६ पुगेको छ । सहकारी विभागका गत पुष १७ गतेसम्मको तथ्यांक अनुसार कोपोमिसमा आवद्ध २८ हजार ७ सय ४२ सहकारी संघरसंस्था ९पासवर्ड लिने० मध्ये १३ हजार १ सय ५६ ले समष्टिगत विवरण भरेका छन् । त्यस्तै कम्तीमा एक पटक कोपोमिस लगइन गर्ने सहकारी संघ संस्थाले मात्रै १७ हजार २ सय ३६ मात्रै रहेका छन् । यसरी हेर्दा कोपोमिसमा समष्टिगत विवरण भर्ने सहकारी संख्यामा व्यापक सुधार आएको छ ।
तत्कालिन सहकारी विभागका रजिष्ट्रार रुद्रप्रसाद पष्डितले कोपोमिस कार्यान्वयनमा कडाई गरेका थिए। कोपोमिसमा आवद्ध नहुने संस्थाको कर चुक्ता प्रप्रमाणपत्रदेखि अनुदान समेत लिन नपाउने व्यवस्था गरेको कारण आवद्धता बढेकेो हो । रजिष्ट्रार पण्डितले सहकारी संघ/संख्याको तथ्यांक संकलनको लागि समष्टिगत विवरण अनिवार्य भर्नुपर्ने प्रावधानको कडाईका साथ लागू गरेका थिए । पण्डित कै सिफारिसमा समष्टिगत विवरण नभर्ने सहकारी संघ/ संस्थाले कर चुक्ताको प्रमाणपत्र नपाउने र धितो रोक्का लागि समेत कोपोमिसमा आवद्धता हुनुपर्ने व्यवस्था सरकारले गरेको थियो ।
त्यसपछि सहकारीहरु कोपोमिसमा आवद्ध हुन बाध्य भएको हो । अघिल्लो आर्थिक वर्षको अन्त्यमा ६ हजार ६ सय ७८ सहकारी मात्र कोपोमिसमा आवद्ध भएका थिए ।
