बिन्धवासिनी बचत तथा ऋण सहकारी संस्थाले खुल्ला रक्तदान कार्यक्रमको आयोजना गर्ने भएको छ । ३०औं स्थापना दिवसको अवसरमा संस्थाको नयाँ भवन परिसरमा रक्तदान गर्ने संस्थाले जनाएको छ ।
संस्थाले ‘मानवताको सेवा नै जीवनको सर्वोत्तम धर्म हो’ भन्ने मुल नाराका साथ गर्न लागेको रक्तदान कार्यक्रममा सम्पुर्ण शेयर सदस्य,सहकारीकर्मी तथा शुभ चिन्तकहरुलाई सहभागी भई रक्तदान गरिदिन अनुरोध गरेको छ ।
संस्थाले आगामी फागुन ६ गते ३०औं स्थापना दिवसको अवसरमा रक्तदान गर्न लागेको हो । संस्थाले सामाजिक उत्तरदायित्व वहन गर्ने क्रममा विगतमा पनि रक्तदानका साथै विभिन्न कार्यक्रम गर्दै आएको थियो ।
