भक्तपुर जिल्ला बचत तथा ऋण सहकारी संघको चाँगुनारायण उपसमितिको आयोजनामा सदस्य सम्बन्ध तालिम सम्पन्न गरेको छ । संघका अध्यक्ष कृष्ण गोविन्द लाखाजुले संस्थामा सदस्यको राम्रो सम्बन्धले मात्र संस्था सफल हुने भएकोले सदस्य सन्तृष्टीलाई विशेष ध्यान दिनुपर्ने बताए । सदस्यको समस्या समाधानले सदस्यसंगको सम्बन्ध मजबुट हुने बताउदै हालको समस्या समाधानमा सदस्य र संस्थाको सम्बन्धले महत्वपुर्ण भुमिका खेल्ने उनको भनाइ छ ।
संघका संचालक एंव उपसमितिका संयोजक सन्तोषी खतिवडाले तालिमले सहकारीमा सदस्यको सम्बन्ध प्रभावकारी व्यवस्थापनमा टेवा पु¥याउने उद्देश्यले तालिमको आयोजना गरेको बताईन । तालिमले धारणा, ज्ञान सिपलाई परिवर्तन ल्याई क्षमता अभिवृद्धि गर्ने भएकोले तालिम तथा सिकाईलाई निरन्तरता दिनुपर्ने उनको भनाई छ । संघका व्यवस्थापक बालकृष्ण धोजुले प्रभावकारी सदस्य सम्बन्धको व्यवस्थापन हुन नसक्दा हाल सहकारीमा समस्या तथा चुनौती बढी रहेको बताउदै उनले सदस्यको राम्रो सम्बन्धले मात्र सहकारीका समस्या समाधान गर्न सक्ने बताए ।
नेफ्स्कूनका तालिम अधिकृत कवि न्यौपानेले सहकारीमा सदस्य सम्बन्धको महत्व, सम्बन्ध विकासका चरण, उत्कृष्ट सेवा प्रवाहका तरिका, सदस्यसंग गर्ने व्यवहार लगायतका विषयमाा सहजिकरण गरेका थिए । संघमा आबद्ध संस्थाहरुमध्ये ३४ जनाको सहभागिता रहेको थियो ।
