एआइमा आधारित लोकप्रिय च्याटबट ‘च्याट जेपिटी’ले दुइ महिनाको अवधिमा १० करोड सक्रिय प्रयोगकर्ता बनाएको छ । २०२२ काे नाेभेम्बर महिनामा लञ्ज गरिएको यो वेबसाइटमा २०२३ काे जनवरी महिनाको अन्त्यसम्म आइपुग्दा १० कराेड सक्रिय प्रयोगकर्ताहरू पुगेको अनुमान गरिएको छ । सुरु भएको दुई महिनाभित्रै यो परिमाणमा प्रयोगकर्ता पाउने इन्टरनेट सेन्सेसनमा च्याटजेपिटी पहिलो भएको बताइएको छ ।
एनालिटिक्स फर्म सिमिलरवेबको तथ्यांकलाई उद्धृत गर्दै जारी एक रिपोर्टका अनुसार जनवरीमा प्रति दिन करिब १ करोड ३० लाख आगन्तुकहरूले च्याटजिपिटीको प्रयोग गरेको बताएको छ । डिसेम्बरको भन्दा यो संख्या दोब्बर हो।
इन्टरनेट स्पेसको गएको २० वर्षमा इन्टरनेट एपमा यति छिटो र्याम्प गरेको कुनै प्रडक्ट नभएको युबिएस विश्लेषकहरूले नोट गरेका छन् । सेन्सर टावरको तथ्याङ्क अनुसार टिकटक विश्वव्यापी रूपमा लञ्चभएर १० करोडको माइलस्टोन पुग्न ९ महिना लागेको थियो भने इन्स्टाग्रामलाइ साढे दुइ वर्ष लागेको थियो ।
च्याटजिपीटीले आर्टिफिसियल इन्टेलिजेन्सको प्रयोग गरेर प्रयोगकर्ताको माग अनुसार तत्कालै फरकफरक लेख, निबन्ध, चिठी, चुटकिला, गीत, कविता सिर्जना गर्नुका साथै विज्ञान र कम्प्युटर टेक्नाेलाेजीका जटिल प्रश्नको जवाफ तत्कालै दिन्छ । माइक्रोसफ्ट कर्प एमएसएफटीडटओद्वारा प्रवर्धित निजी कम्पनीले नोभेम्बरको अन्त्यमा यसलाई सर्वसाधारणका लागि निःशुल्क उपलब्ध गराएको थियो।
