गौरीशकर गाउँपालिका वडा नं. २, दोलखामा रहेको जनउपकार बचत तथा ऋण सहकारी संस्थाले २६औं स्थापना दिवस तथा रजत जयन्ती समापन कार्यक्रम आयोजना गरेको छ । संस्थाका अध्यक्ष लोकेन्द्र प्रकाश खड्काको सभापतित्व एवं दोलखा प्रतिनिधि सभा सदस्य गङ्गा कार्की (विश्व )को प्रमुख आतिग्यतामा कार्यक्रम सम्पन्न भएको हो ।
सो अवसरमा प्रमुख अतिथि कार्कीले संस्थाले रजत बर्षको अवसरमा प्रकाशन गरेको जनउपकार स्मारिकाको समेत विमोचन गरेका थिए । संस्थाले रजत वर्ष समापन एवं स्थापना दिवसको अवसर पारेर रक्तदान कार्यक्रम आयोजना गरेको छ ।साे अबसरमा २६ जना रक्तदाताले रक्दान गरेका थिए।
त्यसैगरी संस्थाले सो अवरसमा संस्थापक सदस्यहरुलाई सम्मान समेत गरेको छ । २०५४ सालमा स्थापना भएको उक्त संस्थाले बचत ऋणको माध्यमबाट सदस्यहरुको जीवनस्तर परिर्वतन गर्न उलेख्य भुमिका खेल्दै खाएको छ । संस्थाले सदस्यहरुको जीवन सुरक्षाको लागि सामाजिक सुरक्षा कोषको व्यवस्था गरी सुत्केरी भता,स्वास्थ्य उपचार खर्च, काजकृया खर्च, वृद्धभता र सदस्य सुरक्षा कोषबाट आर्थिक् सहयोग उपलब्ध गराउँदै आएको छ ।
२५ वर्ष अघि ५४ जना शेयर सदस्यबाट शुरु भएको संस्थामा हालसम्म ६ हजार बढी सदस्य आवद्ध भइसकेका छन् । २०७९ असार मसान्तसम्म संस्थाको २ करोड ९० लाख शेयर पूँजी, ३० करोड २१ लाख ४८ हजार बचत संकलन गरी कूल कारोबार ३६ करोड ८६ लाख ६५ हजार पुगेको छ ।
ग्रामीण जनताको वित्तीय पहुँच अभिवृद्धि गरी उनीहरुको आर्थिक सामाजिक रुपान्तरणमा संस्ताले अग्रणी भुमिका निर्वाह गर्दै आएको अध्यक्ष खड्काले बताए। संस्थाले विशेषत गौरीशंकर गाउँपालिकालाई आफ्नो कार्यक्षेत्र बनाएर वित्तीय काराेबार गर्दै आएको छ ।
