काभ्रेको बनेपामा रहेको पानस बचत तथा ऋण सहकारी संस्थाको १४ औं वार्षिक साधारण सभा सम्पन्न गरेको छ । संस्थाका अध्यक्ष सुशन राजवंशीको सभापतित्व तथा जिल्ला सहकारी संघ काभ्रेका अध्यक्ष दिलिप शर्माको प्रमुख आतिथ्यतामा सभा सम्पन्न् भएको हो ।
सभामा अध्यक्ष राजवंशीले बचतको उदेश्य भोलीको भविष्य भन्ने मूल नाराका साथ सहकारी मूल्य मान्यतालाइ आत्मसाथ गरि संस्था अगाडी बढेको बताए । सदस्यहरुलाई सहूलियत दरमा ऋण प्रवाह गरी उनीहरुको आर्थिक सामाजिक अबस्था सुधारका लागि निरन्तर कार्य गर्दै आएको उनले बताए । संस्थाका सचिव पुष्कर रजितकारले वार्षिक प्रतिवेदन प्रस्तुत गर्दै गत असारसम्म संस्थामा २३२६ सदस्य पुगेको जानकारी दिए । संस्थाले सदस्यहरुलाई विप्रेषण सेवा ,रिर्चाज एवं बिल भुक्तानी सेवा ,मोबाईल डिजिटल वालेट सेवा, सुत्केरी तथा क्रिया खर्च वितरण गर्दै आएको सो अवसरमा उनले जानकारी दिए ।
यस आबमा स्वास्थ्य शिविर एवं जनचेतना मुलक कार्यक्रम संचमलन गर्ने,महिला सदस्यहरुको क्षमता अभिबृद्धि तथा रोजगारी सृजनाको लागि आवश्यक तालिम तथा गोष्ठी आयोजना गर्ने र सामाजिक उतरदायित्व अन्तरगर्त विभिन्न् कार्यक्रमको आयोजना गर्ने उनले सभामा जानकारी दिए ।
संस्थाका कोषाध्यक्ष सुमन वैद्यले आर्थिक प्रतिवेदन सभामा प्रस्तुत गर्दै आ.ब. २०७८/०८९को असार मसान्तसम्म कुल कारोवार १० करोढ ६२ लाख ,शेयर पूजी १ करोड १७ लाख ,बचत संकलन ८ करोड ६७ लाख र ऋण लगानी ७ करोड१९ लाख रहेको बताए । त्यसैगरी संस्थाको जगेडा तथा अन्य कोषहरुमा ४५ लाख ८ हजार रहेको छ भने संस्थाले त्यस अबधिमा १४ लाख ७२ हजार खुद नाफा आर्जन गरेको छ । संस्थाले विभिन्न् बचत योजना बनाएर सदस्यबाट बचत संकलन गर्नुका साथै व्यतिगत, हायर पर्चेज व्यवसायिक ,कृषि र आवास जस्ता क्षेत्रमा ऋण लागानी गर्दै आएको जनाएको छ ।
