बनेपा स्थित एक्सप्रेस बचत तथा ऋण सहकारी संस्थाले चौधौं बार्षिक साधारणसभा तथा बार्षिकोत्सव सम्पन्न गरेको छ । संस्थाका अध्यक्ष देवसागर लामाको सभापतित्वमा लेखा तथा सुपरिवेक्षण समिति तथा विभिन्न उपसमितिहरु, कर्मचारी समुह र सदस्यहरुको उपस्थितिमा सभा सम्पन्न भएको संस्थाले जनाएको छ ।
१४औं वर्षमा प्रवेश गरेको संस्थाले २६ कराड ३२ लाख ६९ हजार बराबरको सम्पत्ति तथा दायित्व निर्माण गर्न सफल भएको छ । शेयर पूँजी १ कराड ७१ लाख २८ हजार रहेको संस्थाले आ.व.मा संस्थाले खुद बचत (नाफा) ६४ लाख गर्न सफल भएको छ । संस्थाको आफ्नो स्वपुँजी कोष हिसाव आ.व. को अन्त्यसम्ममा २ करोड ८७ लाख ८७ हजार पु¥याउन संस्था सक्षम भएको छ भने कर्जा नोक्सानी ब्यबस्थामा जम्मा ऋण लगानीको ५% अर्थात १ करोड १७ लाख ५२ हजार ब्यबस्था गरेको छ । संस्थाले आ.व. २०७८.७९ मा विभिन्न शिर्षकबाट राज्यकोषलाई १३ लाख २९ हजार बराबरको कर योगदान गरेको छ ।
सभामा बोल्दै अध्यक्ष लामाले बताए संस्थालाई सदस्य विस्तार र वित्तीय आकारमा ठुलो बनाउने भन्दा पनि गुणस्तिरीय सदस्य सेवा र सुविधामा परिस्कृत गरि विश्वसनीय संस्थाको रुपमा दिगो कार्यक्रम सहित संस्थालाई गतिशिल बनाई स्थायित्व प्रदान गर्ने संस्थाको दिर्घकालिन सोच रहेको बताए ।
संस्थाका प्रमुख कार्यकारी अधिकृत अरुण थापाले विद्यमान परिस्थितिमा संस्था र सदस्यले संयमतापूर्वक आफ्ना गतिविधिहरु सकारात्मक ढंगबाट संचालन गर्न सकेमामात्र संस्था र सदस्य दुवैको सामाजिक, साँस्कृतिक र वित्तीय जीवन सरल र सहज हुने विचार व्यक्त गरे ।
एक्सप्रेस साकोसले वित्तीय सेवाका साथै सदस्यहरुलाई शिक्षा र स्वास्थ्यको क्षेत्रमा पनि विभिन्न कार्यक्रम सञ्चालन गरी स्थानीय स्तरमा सबल एंव सहज सहकारी संस्थाको रुपमा परिचय बनाएको छ ।
