दोलखाको चरिकोटमा रहेको परोपकार महिला बचत तथा ऋण सहकारी संस्था स्थापनाको ११ औं वर्ष पूरा भई १२ औं वर्षमा प्रवेश गरेको छ । संस्थाले हरेक स्थापना दिवसमा सामाजिक कार्य गर्दै आई रहेकोले १२ औं स्थापना दिवसको अवसरमा भीमेश्वर ९ स्थित बुद्व प्राथमिक विद्यालयका ४० जना विद्यार्थीहरूका लागि स्टेसनरी तथा खेलकुदका सामग्री प्रदान गरेको छ । संस्थाले सो अवसरमा कपी ४० दर्जन,पेन्सिल २० दर्जन, डट्पेन २० दर्जन, लुडो २ वटा , व्याडमेन्टन २ थान र भलिबल १ थान प्रदान गरेको हो ।
संस्थाका सञ्चालक समिति र कर्मचारीको उपस्थितिमा विद्यालयमा एक कार्यक्रमको आयोजना गरि उक्त सामाग्री हस्तान्तरण गरिएको हो । कार्यक्रममा विधालयकी प्र.अ. जुना विश्वकर्मा ,विधालय व्यवस्थापन समिति सदस्य जित बहादुर तमाङ र सहकारी संस्थाकी अध्यक्ष शर्मिला सापकोटाले मन्तव्य राखेका थिए। कार्यक्रम संस्थाकी उपाध्यक्ष अप्सरा चौलागाईले सञ्चालन गरेकी थिइन ।
संस्थाले यस अबधिसम्म आईपुग्दा १९ सय ४६ शेयर सदस्य र ३९९ जना वाल बचतकर्तालाई वितिय सेवा दिन सफल भएको छ । संस्थाको २०७९ अषाढ मसान्तसम्म कूल पूँजी १४ करोड १२लाख,४० हजार पुगेको छ । संस्थाले यस अवधिमा सदस्यहरूलाई बचत ऋणको अलवा विभिन्न सीपमूलक र सामाजिक कार्य गर्दै आएको छ । संस्थाले नेफ्सकूनबाट सञ्चालित जोखिममा आधारि साकोस सुपरिवेक्षण कार्यक्रममा सम्झौता गरि ब्राण्ड प्राप्त गर्न आफ्ना सूंचकहरूलाई पूरा गराउदै लाने प्रयास गरिरहेको जनाएको छ ।
संस्थालाई यो गतिमा ल्याउन मूख्य भूमिका निर्वाह गर्ने संस्थाका शेयर सदस्य , बाल बचतकर्ता लगायत संस्थामा कार्यरत कर्मचारी,सञ्चालक समिति,विभिन्न उप समिति तथा सम्पूर्ण सहकारी अभियान तथा शुभ चिन्तकहरूमा अध्यक्ष सापकोटाले आभार व्यक्त गरिन् । साथै आगामी दिनमा संस्थालाई अझ गतिमा पुर्याउन सदस्यहरूको उल्लेखनीय भूमिका रहने उनले बताइन ।
