श्रीलंकाली राष्ट्रपति गोटाबाया राजापक्षेले राष्ट्रपति भवन छाडेर भागेका छन् । आज बिहानैदेखि हजारौंहजार प्रदर्शनकारी राजधानी कोलम्बोमा जम्मा भएर उनीविरुद्ध प्रदर्शनमा उत्रिएका थिए । विलासी गाडीहरुको एक काफिला लिएर राष्ट्रपति एयरपोर्टतर्फ लागेको स्थानीय समाचारमाध्यमहरुले जनाएका छन् ।
जुलाईमा ९ का दिन राजापक्षेविरुद्ध उत्रन सबैलाई आव्हान गरिएको थियो । त्यसै आव्हानपछि हजारौं सर्वसाधारण नागरिक, राजनीतिक कार्यकर्ता, विद्यार्थी युनियनका सदस्यहरू, ट्रेड युनियनका सदस्यहरू, पादरी र अन्य श्रीलंकाको राजधानी कोलम्बोमा विशाल प्रदर्शनका लागि बाटोमा निस्किएका छन् ।
राष्ट्रपति भवन कब्जा लिएर उनीहरुले झण्डा तथा ब्यानर समेत टाँगेका छन् । सुरक्षाकर्मीले कुनै प्रतिरोध गरेको छैन । शहरका विभिन्न ठाउँमा भने सुरक्षाकर्मी र प्रदर्शनकारीबीच झडप भएका छन् । केहि स्थानमा भीड तितरवितर गर्न सुरक्षाकर्मीले
लामो समयदेखि आर्थिक संकटतर्फ लम्किएको श्रीलंका हालसम्मकै खराब ऊर्जा संकटको अवस्थामा छ । सार्वजनिक र निजी यातायात सेवा संकटमा परेका छन् । सर्वसाधारणको जीवनयापन कठिन बनेको छ ।
