सिन्धुपाल्चोक जिल्लाको बाह्रविसेमा रहेको शुभप्रभात बचत तथा ऋण सहकारी संस्थाले खुल्ला रक्रतदान कार्यक्रमको आयोजजना गरेको छ । संस्थाले १४ औं स्थापना दिवसको अवसरमा रक्तदान कार्यक्रम आयोजना गरेका हो ।संस्थाको कार्यालय परिसरमा आयोजना गरिएको रक्तदान कार्यक्रममा १ सय २० जनाले रक्तदान गरेका थिए ।
सुरक्षाकर्मी, बैंक तथा वितीय संघसंस्थाका कर्मचारी, संचालक समिति, बिभिन्न उपसमिति, सेयर सदस्य लगायतका स्थानीय ब्यक्तिले रक्तदान गरेका थिए । सहकारीका अध्यक्ष बिकासकाजी श्रेष्ठले पछिल्लो समय मुलुकमा विरामीका लागि आवश्यक पर्ने रगतका अभाव भईरहेको बेला केहि मात्रामा भएपनि रगतको अभावलाई कम गर्न रक्तदान कार्यक्रम गरिएको बताए । रगत अभावका कारण बिभिन्न अस्पतालमा बिरामीलाई अति कष्ट भईरहेका समाचारहरु आउन थालेपछि त्यसलाई समाधान गर्नका लागि आफ्नो सहकारीले रक्तदान कार्यक्रम गरेको उनले जानकारी दिए ।
उक्त सहकारीका ब्यबस्थापक सुरेन्द्र तिवारीले सो सहकारीको १४ औं स्थापना दिवशमा खुल्ला रक्तदान गरेको बताए । नेपाल रेडक्रस सोसाइटी बाह्रबिसे उपशाखाको प्राबिधिक सहयोगमा रक्रतदान भएको हो । १४ औं स्थापना दिवसको अबसर पारेर संस्थाले स्थानीय तहमा निर्वाचित जनप्रतिनिधिलाई बधाई तथा सम्मान र बिद्यार्थीहरुलाई छात्रवृति प्रदान गरिएको ब्यबस्थापक तिवारीले जानकारी दिए । स्थापनाको १४ औं बर्षसम्म आईपुग्दा संस्था त्यस क्षेत्रमा छुट्टै पहिचानले बनाउन सफल भएको छ । संस्थामा झन्डै ६ हजार सदस्य आबद्ध भएका छने भने संस्थाले आफ्नै भवनबाट सदस्यहरुलाई वितीय सेवा दिन सफल भएको छ।
