प्रतिभा बहुउद्देश्यीय सहकारी संस्थाले धादिङ जिल्लाको थाक्रे गाउँपालिकाबाट निर्वाचित जनप्रतिनिधिलाई स्वागत तथा सम्मान कार्यक्रमको आयोजना गरेको छ । संस्थाले २३ औं स्थापना दिवसको अवसरमा धादिङ सेवा केन्द्रमा उत सम्मान कार्यक्रम आयोजना गरेको हो ।
स्थापना दिवसको अवसर पारी उक्त गाउँपालिकाका प्रमुख, उपप्रमुख, ११ वटै वडा अध्यक्ष तथा वडा सदस्य एवम् संस्थाका उत्कृष्ट सदस्य र महिला समूहलाई सहकारीले सम्मान तथा सफल कार्यकालको शुभकामना प्रदान गरेको हो । संस्थाले २ वर्षअघि धादिङको हातेमालो बहुउद्देश्यीय सहकारी संस्थासँग एकिकरण गरेको थियो ।
संस्थाका अध्यक्ष माधव तिमल्सिानाले स्थापना दिवसको अवसरमा असार ५ गते रक्तदान सहित विविध कार्यक्रम आयोजना गरिने बताए । बहुउदेश्यीय सहकारी भएकाले संस्थाले कृषि ,लघुवित र उत्पादनमूलक लगायतका क्षेत्रमा लगानी गर्दै आएको छ ।
