चौथो साकोस शिखर गोष्ठी को तयारी अन्तिम चरणमा पुगेको छ । नेपाल बचत तथा ऋण केन्द्रीय सहकारी संघ (नेफ्स्कून) को आयोजनामा हुन लागेको गोष्ठीको तयारी अन्तिम चरणमा पुगेको एक पत्रकार सम्मेलनमा जानकारी दिइएको हो ।
‘दीगो एवं एकीकृत सञ्जालको लागि नवीनतम साझा प्रविधि’ मूल भाव र संकल्पसहित संघले यही जेठ २९ र ३० गते गोष्ठी गर्न लागेको नेफ्स्कूनका अध्यक्ष परितोष पौड्यालले जानकारी दिए । होटल सोल्टीमा हुने उक्त कार्यक्रममा करिब ६ सय जना भन्दा बढीको सहभागी हुनेछन्।
बचत अभियानमा डिजिटलाइजेसन, डिजिटाइजेसन, डिजिटल ट्रान्सफमेसन र डिजिटल इन्क्लूजनलाई जोडेर प्रविधिमा नविनतम आयाममा कसरी जान सकिन्छ, भन्ने विषयमा गोष्ठी केन्द्रित हुने उनले बताए ।
श्रीलंका, बंगलादेश र भारतलगायत देशबाट प्रतिनिधिहरु सहभागी हुने गोष्ठीमा ८ वटा ब्रेकआउट र २ वटा प्लेनरी सेसन हुनेछन् । ‘प्रविधि हस्तान्तरणका विषयमा निर्णायकरुपमा गोष्ठीमा विस्तृत छलफल हुनेछ,’ उनले भने ।
पत्रकार सम्मेलनमा नेफ्स्कुनका वरिष्ठ उपाध्यक्ष एवं प्रवक्ता चन्द्रप्रसाद ढकालले साकोस अभियानमा भएका उपलब्धिहरूको आदानप्रदान गर्न साझा मञ्चको विकास गर्न गोष्ठी सफल हुने विश्वास व्यक्त गरे ।
