विश्व बैंकले मुलुकको आर्थिक वृद्धिदर ३.७ प्रतिशतमा सीमित हुने जनाएको छ । आ.व. २०७८।७९ को आर्थिक विधेयकमा सरकारले ७ प्रतिशत आर्थिक वृद्धिदरको लक्ष्य राखेको थियो । यस हिसाबले लक्षित वृद्धिदरको आधा मात्र प्राप्ति हुने प्रक्षेपण विश्व बैंकले गरेको छ ।
विश्व बैंक आफैंले यसअघि गरेको प्रक्षेपण भन्दा पनि न्यून हुने गरी यो नयाँ प्रक्षेपण जारी गरेको हो । पुस मसान्तमा बैंकको प्रक्षेपण ३.९ प्रतिशतको हाराहारीमा थियो । चालु आर्थिक वर्षको ९ महिना व्यतित भइसकेको र अबको साढे २ महिनाको आर्थिक गतिविधिले आर्थिक गणनामा ठूलो हिस्सा नओगट्ने हुँदा लक्षित वृद्धिदरको लक्ष्य कुनैपनि हालतमा भेट्न सकिने देखिँदैन ।
आज नेपाल डेभलपमेन्ट अपडेट सार्वजनिक गर्दै विश्व बैंकले आर्थिक वृद्धिदर ३.७ प्रतिशत मात्र कायम रहने अनुमान गरेको छ । खासगरी बाह्य क्षेत्रमा परेको तीव्र दबावको प्रभाव अर्थतन्त्रमा समेत पर्ने देखिएको हो । जसमा रुस र युक्रेनको युद्ध र उसले निम्त्याएको महंगी एक कारण हो । वि६ महिनाको अवधिका तथ्यांकहरुको विशलेषण गर्दै विश्व बैंकले कमजोर विकास खर्चको अवस्थालाई समेत चित्रण गरेको छ ।
