ललितपुरको औद्योगिक क्षेत्रभित्र आज बिहान भएको विस्फोटमा परी एकजनाको मृत्यु भएको छ भने चार जना घाइते भएका छन् ।
औद्योगिक क्षेत्रभित्र रहेको सगरमाथा अक्सिजन प्लान्टमा अक्सिजन भर्ने क्रममा एक्कासी विस्फोट भएको ललितपुर प्रहरीले जनाएको छ ।
मृतक सोही प्लान्टका श्रमिक भएकाे खुलेकाे छ । भारतको पश्चिम चम्पारम घर भएका ४५ वर्षीय ब्रिज महतोको मृत्यु भएको प्रहरीले जनाएकाे छ। अक्सिजन रिफिल गर्न कुरिरहेका महतोको शव क्षतविक्षत भएको थियो । घाइते रहेका भारतकै राजकुमार महतोको अवस्था पनि चिन्ताजनक रहेको छ ।
प्लान्टमा कार्यरत अन्य श्रमिकलाई भने प्रहरीले उद्धार गरेको जनाइएको छ । अक्सिजन भर्नेक्रममा प्राविधिक त्रुटि भएर विस्फोट भएको हुन सक्ने प्रहरीकाे प्रारम्भिक अनुमान रहेकाे छ ।
