सबल महिला बहुउद्देश्यीय सहकारी संस्थाले सदस्य शिक्षा कार्यक्रम आयोजना गरेको छ । संस्थाले ६५ औं राष्ट्रिय सहकारी दिवसको अबसर पारेर सदस्य शिक्षा कार्यक्रम आयोजना गरेको हो ।
सहकारी संस्थाका लघुवित्त कार्यक्रममा आबद्ध भएर कारोबार गर्ने सदस्यहरुलाई लक्षित गरि कार्यक्रम आयोजना गरिएको संस्थाकी प्रबन्धक गिता फुल्लेलले जानकारी दिइन । कार्यक्रममा लघुवित्त मार्फत वित्तीय कारोवार गर्दा पालना गर्नुपर्ने नीतिगत तथा कानुनी कुराहरुको बारेमा जानकारी गराउनुका साथै समूहमा काम गर्दा प्राप्त हुने सबल पक्षहरुको बारेमा समेत जानकारी गराइएको उनले बताईन ।
संस्थाकी अध्यक्ष ईश्वरी हुमागाँईको सभापतित्वमा भएको कार्यक्रममा राष्ट्रिय सहकारी बैंकको चाहविल शाखा प्रमुख जानुका नेपालले सहभागीहरुलाई प्रशिक्षित गरेकी थिइन । कार्यक्रममा २५ लघुवित समुहका ३५ जना महिला सदस्यको सहभागिता रहेको थियो ।
