यस जनमुखी बचत तथा ऋण सहकारी संस्थाले रक्तदान कार्यक्रम सम्पन्न गरेको छ ।
मैनापोखरी रहेको संस्थाले ६५औं राष्ट्रिय सहकारी दिवसको अवसरमा रक्तदान तथा र मैनापोखरी बजारको लागि डस्टविन वितरण कार्यक्रम गरेको हो ।
संस्थाका अध्यक्ष मावधप्रसाद दहालको सभापतित्व, बैतेश्वर गाउँपालिकाका अध्यक्ष छवि लामाको प्रमुख आतिथ्य र नेपाल रेडक्रस सोसाईटी दोलखाका अध्यक्ष गोकर्णप्रसाद पोखरेलको आतिथ्यमा कार्यक्रम भएको हो ।
रक्तदान कार्यक्रममा ३१ जनाले सहभागी जनाएका थिए । त्यसैगरी मैनापोखरी बजार क्षत्रलाई “हाम्रो अभियान, स्वच्छ वातावरण” भन्ने नाराका साथ २० थान डस्टबीन संस्थाका अध्यक्ष दहालले उद्योग वाणिज्य संघ मैनापोखरीका प्रतिनिधि लाई हस्तान्तरण गरिएको थियो ।
कार्यक्रम संस्थाका सचिव लक्ष्मण चौलागाईं सञ्चालन गरेका थिए भने उपाध्यक्ष गीताकृष्ण शर्माले स्वागत मन्तव्य दिएका थिए।
