दोलखाको चरिकोटमा रहेको परोपकार महिला बचत तथा ऋण सहकारी संस्थाले सदस्यहरुलाई सिपमुलक तालिम दिएको छ । संस्थाले भीमेश्वर नगरपालिकाको समन्वयमा सदस्यहरुलाई ५ दिनको तालिम दिएको हो ।
संस्थाको आयोजनामा भएको तालिममा ढाकाको मास्क,पर्स र व्याग बनाउने सिकाइएको थियो । उक्त तालिममा संस्थाका १७ जना शेयर सदस्यको सक्रिय सहभागिता रहेको थियो । फागुन ३ गतेबाट सञ्चालन भएको उक्त तालिममा बालकुमारी चन्द प्रशिक्षक रहेकी थिईन।
तालिममा छनौट भएका १७ जना सहभागीहरूलाई व्यवसायी र आर्थिक रुपमा आत्मनिर्भर बनाउने उद्देश्य रहेको संस्थाकी अध्यक्ष शर्मिला सापकोटाले बताईन । सहभागीलाई प्रमाण पत्र प्रदान उनले यस्ता किसिकको तालिमले सिपको विकास गरी व्यबसाय मार्फत आत्मनिर्भर बन्न सदस्यहरुलाई सहयोग पुग्ने उलेख्य गरिन।
