सहकारी विभागका नवनियुक्त रजिष्ट्रार रुद्र प्रसाद पण्डितले आजबाट पदबहाली गरेका छन् ।
गृहमन्त्रालयमा कार्यरत पण्डित केही दिनअघिमात्र सहसचिवमा बढुवा भई संघीय मामिला तथा सामान्य प्रशासन मन्त्रालयमा रहेका थिए । मन्त्रालयले पण्डितलाई विभागको रजिष्ट्रारमा पठाउने निर्णय आइतबार गरेको हो ।
पदबहाली पश्चात् रजिष्ट्रार पण्डितले सहकारी संस्था र सदस्यहरुको बृहत्तर हितका लागि प्रशिक्षण, नियमन, सुपरीवेक्षण र सुशासन एवं प्रवर्धनको कार्यमा भूमिका खेल्ने संक्षिप्त अभिव्यक्ति दिए ।
गत कार्तिक ८ गते विभागको रजिष्ट्रार नियुक्त भएका झलकराम अधिकारीको भने ४ महिना सहकारी विभागको जिम्मेवारी सम्हालेर संघीय मामिला तथा सामान्य प्रशासन मन्त्रालयमा सरुवा भएर गएका छन् ।
