काठमाण्डौको न्यूरोडमा रहेको ताल्चा बहुउद्देश्यीय सहकारी संस्थाको पाँचौं वार्षिक साधारणसभा सम्पन्न भएको छ । संस्थाका अध्यक्ष रन्जित सापकोटाले सभालाई सम्बोधन गर्दै विश्वव्यापी रुपमा फैलिएको कोभिड १९ महामारीका कारण सम्पूर्ण आर्थिक तथा सामाजिक क्षेत्र प्रभावित भएको र महामारीबाट बच्न सरकारले गरेको लकडाउनका कारण सहकारी क्षेत्र समेत प्रभावित भएतापनि राज्यबाट यसको पुनरुत्थानका लागि कुनै प्याकेज नआएको बताए । संस्था बहुउद्देश्यीय भएकाले कृषि क्षेत्रमा लगानीका निम्ति अध्ययन अनुसन्धान भइरहेको उनले जनाए ।
संस्थाका लेखासमिति संयाेजक बालकृष्ण ढुंगानाले आ.व. २०७७।७८ को वार्षिक प्रतिवेदन प्रस्तुत गर्दै सहकारी ऐन तथा नियमावली अनुसार संस्थाले बचत संकलन, ऋण लगानी र असुली लगायत वित्तीय कारोबार गरी आम्दानी तथा खर्चको विवरण पारदर्शी ढंगले प्रकाशित गर्दै आएको जनाए । सदस्यको हित हुनेगरी संस्थाले कार्यक्रम अगाडि बढाएको र कारोबार सन्तोषजनक रहेको समेत उनले उल्लेख गरे । संस्थाले १४१७ सदस्यबाट ८९ लाख ५१ हजार शेयरपुँजी, ३ करोड ६१ लाख २४ हजार बचत संकलन गरेको छ । त्यसैगरी संस्थाले ३ करोड ४२ लाख ९९ हजार ऋण लगानी गरी ४ लाख २३ हजार खुद नाफा आर्जन गरेको छ । संस्थाका लेखासमिति संयोजक बालकृष्ण ढुंगानाले समितिको प्रतिवेदन प्रस्तुत गरेका थिए ।
संस्थाले सदस्यहरुबाट क्रमिक, साधारण, विशेष, नारी, बाल, कर्मचारी, आवधिक र अन्य शीर्षकमा बचत संकलन गर्दै आएको छ । संस्थाले सदस्यको माग र आवश्यकता अनुसार उनीहरुको आयस्तर वृद्धिका लागि विभिन्न शीर्षकमा ऋण लगानी समेत गर्दै आएको जनाएको छ ।
