नेपालपत्र संवाददाता
मध्यपुर थिमि –४ शंखधर चोकमा रहेको सिद्धार्थ बचत तथा ऋण सहकारी संस्थाले सदस्यहरुको स्वास्थ्य उपचारमा सहुलियत प्रदान गर्ने भएको छ । यसका लागि संस्थाले मध्यपुर अस्पतालसँग सम्झौता गरेको छ ।
स्वास्थ्य उपचार गर्दा सदस्यहरुलाई केही मात्रामा भए पनि सहुलियत पुगोस् भन्ने उदेश्यका साथ सम्झौता गरिएको अध्यक्ष राजेश श्रेष्ठले जानकारी दिए । सदस्यहरुको आर्थिक तथा सामाजिक रुपान्तरणमा काम गर्दै आएको संस्थाले अब स्वास्थ्य सेवामा समेत सहजता प्रदान गर्ने लक्ष्य लिएको छ ।
संस्थामा १ हजार ६ सय भन्दा बढी सदस्य आवद्ध रहेका छन् भने सहकारीको कुुल सम्पत्ति ४६ करोड मााथि रहेको छ । संस्थाले सहकारीको माध्यमबाट समाज रुपान्तरणमा समेत योगदान पुर्याउँदै आएको छ ।
