नेपालपत्र संवाददाता
भक्तपुरको मध्यपुर थिमि –३, गठ्ठाघरमा रहेको अन्नपूर्ण बहुमुखी सहकारी संस्थाको २९ औ बार्षिक साधारण सभा सम्पन्न भएको छ । संस्थाका अध्यक्ष श्याम सुन्दर वस्नेतको अध्यक्षतामा सम्पन्न भएको सभामा ६९ प्रतिशत शेयर सदस्यहरुको उपस्थिति रहेको थियो । सभामा प्रमुख अतिथिका रूपमा वडा नं. ३ का अध्यक्ष तथा प्रवक्ता कृष्णहरि आचार्य, विशेष अतिथिका रूपमा वडा नं. २ का अध्यक्ष प्रदीप कार्की तथा अतिथिका रूपमा संस्थाका पूर्वअध्यक्ष मुकुन्दप्रसाद दाहाललगायतको उपस्थिति रहेको थियो।
सभामा अध्यक्ष बस्नेतले यस आर्थिक बर्षमा पनि सस्थाले वजारको सम्वेदनशिलता, शेयर सदस्यहरुको आवश्यकता र राज्यको नीति अनुरुप जोखिम न्युनीकरणलाई प्राथमिता दिइएको उनले सभामा बताए । जस अनुसार संस्थाले कर्जा अशुलीको प्रभावकारीता वृद्धि, शेयरपूँजी वृद्धिमा कम प्रोत्साहन र खर्चमा कटौति जस्ता विधी अवलम्बन गरिएको उनको भनाई छ। संख्यात्मक भन्दा गुणात्मक भन्ने मर्मलाई आत्मसाथ गर्दा अधिकांश सुचकहरु स्वाभाविक रुपमा वृद्धि हुदै गएको र हाल संस्थामा ४ हजार २७४ सदस्यहरु आवद्ध रहेकोे उनको भनाई छ ।
सस्थाको मुख्य कार्यालय समेतको ६ वटा सेवा केन्द्रहरुमा १५ जना कर्मचारीमा सदस्यलाई सेवा प्रदान गर्दै आएको सस्थाको कार्यक्षेत्र भक्तपुर जिल्ला , काठमाण्डौ महानगरपालिका , कागेश्वरी मनोहरा नगरपालिका, बुढानिलकण्ठ न.पा.वडा नं. १०, ११, १२ र गोकर्णेश्वर नगरपालिका वडा नं. ५, ६, ७, ८२९ र काभ्रेपलान्चोक जिल्ला पुरै रहेको छ। संस्थाको ध्येय स्वस्थ्य, चुश्त समुदायमैत्री सस्था वनाउनु रहेको र नियमनकारी निकायहरुको निर्देशन पालना गर्दै नेतृत्व र व्यवस्थापनको सामुहिक प्रयत्नबाट सेयर सदस्यहरुलाई गुणस्तरिय सेवा प्रवाह गर्नु भएको उनको भनाई छ। आ.व.०८२/०८३ मा सस्थाको थप प्रगतिका लागि निरन्तर रूपमा विभिन्न प्रयासहरु गरिएको र पहिला प्राथमिकता ऋण असुलीमा केन्द्रित भएको उनले सभामा उल्लेख गरे।
सदस्यहरुको माग र आवश्यकतालाई हेरेर विभिन्न उमेर समुह लक्षित गरि सदस्य केन्द्रित कार्यक्रमहरु गरेको र बजारको माग अनुसार बचत तथा ऋणका व्याजदर कायम गर्न संस्था सफल भएको उनले सभामा जनाए । संस्थामा अहिले तरलता क्रमश बढ्दै गईरहेको र अब गुणस्तरीय कर्जा लगानीतर्फ केन्द्रित हुनुपर्ने बेला आएको सभामा उनले बताए । संस्थाले उत्पादन तथा उद्यमका लागि सहुलियत व्याजदरमा कर्जा लगानी गर्ने भएकाले सदस्यहरुले सहुलिय ब्याजदरमा ऋण लिँई व्यवसाय गर्न उनको आग्रह छ ।
संस्थाले निस्कृय ऋण असुलीका लागि कानूनले दिएका सम्पूर्ण मार्गहरु अवलम्बन गर्ने र नियतवश ऋण नतिर्ने ऋणीहरुको धितो लिलामीदेखि मुद्दा दर्ता गरी असुली कारवाही अघि बढाइने उनले सभा प्रष्ट पारे । ऋण प्रवाह गर्दा कानूनको पालना र असुलीको सुनिश्चितता निश्चित गरिने भन्दै उनले ‘ठूलो बन्ने लहड त्यागेर स्वस्थ बन्ने अभियान’ लिएको उनले प्रष्ट पारे ।
संस्थाका सचिव राजन प्रसाद पराजुलीले सभामा वार्षिक प्रगति प्रतिवेदन प्रस्तुत गर्दै गत आ.व. मा भएका गतिविधिहरुको बारेमा जानकारी गराएका थिए । संस्थाले यस आर्थिक बर्षमा उत्पादन तथा स्वरोजगार बनाउने क्षेत्रमा ऋण लगानी गर्ने,सदस्यलाई कृषि उत्पादनमा प्रोत्साहन गर्ने,प्रविधिमैत्री सेवमार्फत् गुणस्तरीय सेवा प्रदान गर्ने र वित्तीय साक्षरता,सहकारी शिक्षा शिविर तथा सबै उमेर समुहका सदस्यहरुलाई समेटने गरी विभिन्न कर्यक्रम सञ्चालन गरिने उनले सभामा जानकारी दिए ।
सभामा कोषाध्यक्ष मिरा कुमारी भट्टराईले गत आर्थिक बर्षको आर्थिक प्रतिवेदन प्रस्तुत गर्दै शेयर पुँजी ८ करोड ७३ लाख,बचत संकलन ६० करोड ७० लाख, ऋण लगानी ५४ करोड ५७ लाख र जगेडा कोषमा ४ करोड १४ लाख गरी कुल सम्पत्ति ७७ करोड ३३ लाख पुगेको सभामा जानकारी दिइन् ।
