लोकेश्वर बचत तथा ऋण सहकारी संस्थाको महिला उप–समितिको आयोजनामा एक दिने दुबोको माला बनाउने तालिम सम्पन्न भएको छ ।  संस्थाका अध्यक्ष राजन जतिको अध्यक्षतामा सम्पन्न  भएको  तालिममा बोल्दै  संस्थाबाट महिला सदस्यहरुलाई लक्षित  गरी समय समयमा विभिन्न तालिमहरुको आयोजना गर्दै आएको  बताए ।  

संस्थाबाट स्थापना कालदेखि सदस्यहरुलाई सक्षम बनाउन विभिन्न सिपमूलक तालिम, प्रशिक्षण र समुदायमा आधारित कार्यक्रमहरु संचालन गर्दै आएको उनले जानकारी दिए ।  कुनै पनि तालिम लिइसके पछि उक्त तालिममा सिकेको  सीपलाई सहि सदुपयोग गरी व्यवसायीक रुपमा अगाडी बढ्न सकेमा आर्थिक रुपमा सक्षम हुन सक्ने  उनको धारणा छ ।

उक्त तालिमका प्रशिक्षक गीता बाटीले हामीले आफुले सिकेको सिपलाई आफ्नो साथीहरु, परिवारका सदस्यहरुमा सिकाउदै जानुपर्ने यसले सिप विकासमा मद्दत पुग्ने बताइन् । उपसमितिका संयोजक सरिता खुसुको सभापतित्वमा  भएको उक्त तालिममा संस्थाका ८ जना महिला सदस्यहरुको सहभागीता रहेको थियो