दोलखाको गौरीशंकर गाउँपालिका –२ जुगुँमा मुख्य कार्यालय रहेको जनउपकार बचत तथा ऋण सहकारी संस्थाले गत असारसम्मको वित्तीय विवरण प्रकाशित गरेको छ ।  आर्थिक बर्ष २०८२/८३ को असार समान्तसम्मको   अपरिस्कृत वित्तीय विवरण अनुसार संस्थाको कुल सम्पत्ति ६१ करोड ३८ लाख ४२ हजार पुगेको छ ।

  त्यसैगरी गत आर्थिक बर्षमा संस्थाको शेयर पुँजी,जगेडा कोष र अन्य कोषहरुमा समेत वृद्धि भएको छ । संस्थाका अनुसार शेयर पुँजी ४ करोड २७ लाख ९० हजार, जगेडा कोष २ करोड ३३ लाख ३७ हजार र अन्य कोषमा ७७ लाख ९१ हजार पुगेको छ । संस्थाको बचत संकलन ५१ करोड ६५ लाख ८१ हजार पुगेको छ । संस्थाप्रति सदस्यको विश्वास बढेका कारण बचत संकलनमा   वृद्धि भएर गएको हो ।

एकातिर सबै सहकारी संस्थाप्रति सदस्यको विश्वास नहुृन र अर्कोतर्फ संस्थाले सेवा केन्द्र विस्तार गरी सदस्यहरुलाई  सहज र सरल सेवा प्रदान गरेका कारण बचत वृद्धिमा टेवा पुगेको संस्थाको विश्वास छ । संस्थाले ग्रामिणदेखि शहरी क्षेत्रमा बसोबास गर्ने सदस्यहरुलाई सहज रुपमा सेवा प्रदान गर्न कायक्षेत्र थप गरी वित्तीय सेवा प्रदान गर्दै आएको छ । संस्थामा जम्मा भएको बचतको तुलनामा संस्थाको ऋण लगानी भने वृद्धि हुने सकेको देखिदैन । तर पनि संस्थाले गत आर्थिक बर्षमा ६२.१५ प्रतिशत अर्थात ३८ करोड १५ लाख ऋण लगानी गरेको छ । संस्थामा २२.४३ प्रतिशत अर्थात ११ करोड ५८ लाख ५५ हजार तरलता रकम रहेकाले ऋण लगानी वृद्धि गर्न सक्ने क्षमता रहेको पाइन्छ ।

मुलुकमा आएको आर्थिक मन्दीका कारण सदस्यहरुबाट ऋण माग नहुँदा संस्थाको ऋण लगानी गर्न सक्ने क्षमता भएर पनि बढाउन नसकेको व्यवस्थापक चुडामणि घिमिरेले बताए । संस्थामा ५१.८४ प्रतिशत अर्थात ३ हजार ९३६ पुरुप सदस्य र ४७.६९ प्रतिशत अर्थात ३ हजार ६२१ महिला सदस्य गरी कुल सदस्य ७ हजार ५९२ सदस्य पुगेका छन् । ग्रामिण भेगका जनतालाई सहकारीमा आवद्ध गराई उनीहरुमा स सानो रकम बचत गर्ने वानीको विकास गर्नु संस्थाको उपलब्धि भएको घिमिरे बताउँछन् । अर्कोतर्फ महिलाहरुलाई समेत सहकारीमा सदस्य बनाई  बचत गर्ने वानीको विकास गर्नु, महिला शसक्तिकरणमा योगदान पु¥याउनु र आय आर्जन गर्न आवश्यक पुँजी उपलब्ध गराउनु साथको सफलता भएको उनले प्रतिक्रिया दिए ।

संस्थाबाट १ हजार २७७ जना सदस्यले ऋण लिएर व्यापार व्यवसाय, घर घडेरी खरिद तथा वैदेशिक रोजगारमा गएर आय आर्जन गर्दै आएका छन् । सहकारीमा कुल सदस्य मध्ये २५ प्रतिशत सदस्यले संस्थाबाट ऋण उपभोग गर्नु राम्रो मानिन्छ । जनउपकारमा पनि झन्डै १७ प्रतिशत सदस्यले ऋण उपभोग गरेका छन् । संस्थामा २ हजार ५५५ जना बाल बचतकर्ताले समेत बचत गर्दै आएका छन् ।