नेपालपत्र संवाददाता
सहकारी ऐेन ,२०७४ लाई समसामयिक सुधार गर्न लागिएको भन्दै सरोकारवालाहरुबाट सुझाव माग गरिएको छ । भूमि व्यवस्था, सहकारी, संघीय मामिला तथा सामान्य मन्त्रालयले सहकारी ऐन, २०७४ लाई संशोधन गर्न बनेको विधेयकको मस्यौदा तर्जुमा गरिएको छ।
विधायन ऐन, २०८१ को दफा ६ को उपदफा (२) को प्रयोजनार्थ सर्वसाधारणबाट राय सुझावको लागि उक्त मस्यौदा उपर कुनै राय, सुझाव भएमा सूचना प्रकाशन भएको मितिले सातदिनभित्र मन्त्रालयको इमेल ठेगाना पठाउन भनिएको छ ।
मन्त्रालयको इमेल cooperative@molcpa.gov.np मा सुझाव उपलब्ध गराइदिन सूचनामा भनिएको छ । ।साथै उक्त विधेयकको मस्यौदा मन्त्रालयको वेवसाइट www.molcap.gov.np बाट प्राप्त गर्न सकिने छ । मन्त्रालयले जेठ २९ गते नै सुझावको लागि सूचना प्रकाशन गरेको हो ।
