कोभिड–१९ महामारीबाट बच्न स्थानीय प्रशासनले पटकपटक लगाएको निषेधाज्ञाका कारण सदस्यहरुको व्यापार व्यवसाय प्रभावित भएको भएको भन्दै कश्मीरा बचत तथा ऋण सहकारी संस्थाले सदस्यहरुलाई विशेष छुट योजना ल्याएको छ ।
निषेधाज्ञा शुरु भएको मिति देखि असार १६ गतेसम्मको २ महिनाको ऋणमा पाकेको व्याजमा १५, प्रतिशतसम्म छुट दिने भएको निर्णय भएको संस्थाका कार्यकारी प्रमुख जयराम तिमल्सिनाले बताए । संस्थाले समयावधि तोकेर फरकफरक समयमा भुक्तानी गर्नेसदस्यलाई ५ देखि १५ प्रतिशतसम्म छुट दिने जनाएको छ ।
सदस्यले असार १५ गतेसम्म किस्ता भुक्तानी गरेमा १५ प्रतिशत, १६ देखि २५ गतेसम्म भुक्तानी गरेमा १० प्रतिशत र २६ गतेदेखि ३० गतेभित्र भुक्तानी गरेमा ५ प्रतिशत व्याज छुट पाउने उनले जनाए । असार १५ गतेसम्म किस्ता बुझाउनेका लागि बढि सुविधाको व्यवस्था भएकाले सदस्यहरुलाई लाभ उठाउन उनले आग्रह गरे ।
त्यसैगरी संस्थाले २ महिनासम्म भाका नाघेका सदस्यले ऋणको नवीकरण गर्दा समेत विशेष सहुलियत प्रदान गर्ने भएको छ ।
निषेधाज्ञा केहि खुकुलो भएको र प्रशासनले सहकारी संस्थाहरुसमेत दैनिक सञ्चालनका लागि अनुमति दिएकाले संस्थाले नियमित रुपमा कार्यालय सञ्चालन गरी सदस्यहरुलाई वित्तीय लगायत अन्य विविध सुविधा प्रदान गर्दै आएको छ ।
