राष्ट्रिय सहकारी महासंघले एक कार्यक्रमको आयेजना गरी राष्ट्रिय सहकारी बैंकका  नवनिर्वाचित  सञ्चालक तथा लेखा सुपरीवेक्षण समितिका पदाधिकारीहरुलाई  स्वागत गरेको छ ।  हासंघले पुल्चोकस्थित आप्mनै भवनमा अध्यक्ष लक्ष्मी प्रसाद उप्रेती तथा लेखा सुपरीवेक्षण समितिका संयोजक तारा गुरुङ्ग लगायतका पदाधिकारीहरुलाईसामूहिक स्वागत गरेको हो ।

 नयाँ टिमलाई स्वागत गर्दै महासंघका कार्य वाहक अध्यक्ष रमेश प्रसाद पोखरेलले बिषम परिस्थितिमा सहकारी बैंकको नेतृत्व गर्न निर्वाचित हुनु भएकोमा बधाईका ज्ञापन गर्दै सफल कार्यकालका लागि शुभकामना व्यक्त गरे । बित्तीय आवश्यकता परिपूर्ति गर्न चुनौतिमा नै अवसर हुने भन्दै सहकारी अभियानको शाख बृद्धि गर्न बैंकको भूमिका महत्वपूर्ण हुने उनले बताए । देशको वर्तमान आवश्यकतालाई मनन् गरी ‘एकका लागि सबै र सबैका लागि एक’ को भावनालाई व्यवहारमा उतार्ने बेला आएको उनको भनाई छ ।

बैंकका अध्यक्ष उप्रेतीले सहकारीका मौजुदा समस्याप्रति आफु जानकार रहेकाले सचेत भएर काम गर्ने प्रण गरे । निर्वाचन प्रकृयाबाट बैंकको नेतृत्वमा आउँदा हौसला बोध र जिम्मेवारी बृद्धि भएकाले चुनौतिहरुको सामना गरेर अगाडि बढ्ने उनले जनाए । सहकार्यबाट नै  समस्या समाधान हुने विश्वास व्यक्त गर्दै उनले  सरोकारवाला निकायहरु सबैसंग सहकार्य गरेर काम गर्न तयार रहेको उनको भनाई छ । त्यसैगरी लेखा सुपरीवेक्षण समिति संयोजक तारा गुरुङ्गले सहकारीका बिद्यमान चुनौतिलाई समाधान  गर्दै शाख बृद्धिका लागि अधिकतम कृयाशिल रहने बताइन् । महासंघका का.बा. अध्यक्ष  पोखरेलको अध्यक्षतामा सम्पन्न उक्त कार्यक्रम महासंघका उपाध्यक्ष डि.बि.बस्नेत, सञ्चालक द्वय काशीचन्द्र बराल र सुमन नेपाल, महाप्रबन्धक डा.बाबुकाजी थापा लगायत उच्च अधिकृतहरुको उपस्थिति रहेको थियो । ।