संघीय सहकारी विभागका नवनियुक्त रजिष्ट्रार बाबुराम गौतमले सहकारी अभियानमा देखिएका विद्यमान चुनौतिहरुबाट कोही पनि भाग्न नमिल्ने बताएका छन् । उनले  सरकार र अभियान मिलेर दीर्घकालिन समाधानका उपाय अवलम्वन गर्दै समग्र सहकारी अभियानको पुनरुत्थान र पुनरसंरचानामा जानुपर्नेमा जोड दिए ।

 राष्ट्रिय सहकारी महासंघका कार्यवाहक अध्यक्ष रमेश प्रसाद पोखरेलको नेतृत्वमा स्वागत तथा सफल कार्यकालको लागि शुभकामना दिन विभाग पुगेका सहकारीकर्मीहरुको टोलीसंगको छलफलमा सो कुरा बताए । सहकारी क्षेत्रमा बजारमा पैmलिएको अफवाह जस्तो ब्यवहारमा नभएको तर अकल्पनिय रुपमा बित्तीय बिचलन, सुशासनबिहिनता र स्वनियमनमा समस्या देखा परेको भन्दै उनले सुधारका लागि अभियानले ठोस कार्ययोजना  बनाएर जानुपर्नेमा जोड दिए ।  सहकारीको नेतृत्वले शेयर सदस्यहरुप्रति जिम्मेवार र जवाफदेही भएर काम गर्न उनले सुझाए । 

सोही अवसरमा राष्ट्रिय सहकारी महासंघका कार्य वाहक  अध्यक्ष रमेशप्रसाद पोखरेलले महासंघको भूमिका र जिम्मेवारीमाथि प्रकाश पार्दै संघीय सहकारी विभाग अभिभावक निकाय भएकाले  नीतिगत निर्देशनको पालना गर्न र सहकार्यका लागि सधै तयार रहेको बताए । साथै उनले ऋणी सदस्यहरुले लिएको कर्जा भुक्तानी नगरेको हुँदा सहकारी संघ÷संस्थाहरुलाई बचत फिर्तामा समस्या भएको जानकारी दिए । महासंघको आयोजनामा आगामी असार ६ र ७ गते हुन गइरहेको अन्तर्राष्ट्रिय महिला सहकारी सम्मेलन २०२६ लाई सफल बनाउनका लागि सहकार्यका लागि अनुरोध गरे । उक्त टोलीमा महासंघका सञ्चालक द्वय काशीचन्द्र बराल र सुमन नेपालकासाथै महाप्रबन्धक डा.बाबुकाजी थापा लगायत सहभागी थिए ।