समस्याग्रस्त सहकारी व्यवस्थापन समितिको कार्यालयले ओरेन्टल को –अपरेटिभका ऋणीहरुको नाम सार्वजनिक गरेको छ । कार्यालयले सहकारीबाट ऋण लगेर लामो समयसम्म भुक्तानी नगर्ने २८४ जना ऋणीहरुको नाम सार्वजनिक गरेको हो ।

कार्यालयले पहिलो चरणमा ठुला ऋणीहरुको नामवली प्रकाशन गरेको जनाएको छ भने क्रमशःअन्य ऋणीहरुको समेत नामवली प्रकाशन गर्दै जाने भएको छ । नामवली प्रकाशन गरिएका ऋणीहरुलाई यथाशिघ्र कार्यालयमा सम्पर्क गरी ऋण चुक्ता गर्न आग्रह  गरिएको छ ।

संघीय सरकारले समस्याग्रस्त घोषणा गरेका सहकारी संस्थाहरुको कार्यालयले क्रमश ऋणीको नामवली प्रकाशन गर्दै आएको छ । त्यसैगरी ऋण तिर्न आलटाल गर्नेहरुलाई सरकारले आधारभूत सेवाबाट बञ्चित गर्ने समेत प्रष्ट पारेको छ । ठुला ऋणीहरुबाट ऋण असुली गरी साना बचतकर्ताहरुको बचत फिर्ता गर्ने नीति सरकारले लिएको छ ।