नेपालपत्र संवाददाता
सहकारी संघ संस्थाले पनि अनिवार्य रुपमा आइतबार कार्यालय विदा गर्नुपर्ने भएको छ । राष्ट्रिय सहकारी नियमन प्राधिकरणले एक सूचना जारी गर्दै सबै संघ संस्थालाई आइतबार विदा गर्न निर्देशन दिएको हो ।
प्राधिकरणले जारी गरेको सूचना अनुसार सरकारको २०८२ /१२ /१२ को निर्णय बमोजिम कार्यालय समय परिवर्तन गरे पनि मुलुकमा रहेका कतिपय सहकारीहरुले समय परिवर्तन गर्न अटेरी गरेको उल्लेख छ ।
कतिपय सहकारीको पुरानै कार्यालय समय रहेको र आइतबार विदा नगर्ने गरेकाले सम्बन्धित निकायलाई जानकारी गराउन प्राधिकरणलाई निर्देशन भएको छ । हेलो सरकार प्रधानमन्त्री तथा मन्त्रिपरिषदको कार्यालयमा गुनासो गरेको हुँदा सबै संघ संस्थाहरुले आइतबार विदा गर्न प्राधिकरणले अनुरोध गरेको छ । 
