पब्लिक को–अपरेटिभ लिमिटेडले आफ्नो २५औं रजत वर्ष शुरुवातको अवसरमा आन्तरिक पर्यटन प्रवद्र्धनका लागि साइकल यात्रा कार्यक्रम गरेको छ ।
संस्थाका अध्यक्ष महेशमान शाक्यको सभापतित्व एवं उर्जा जलश्रोत तथा सिंचाई मन्त्री पम्फा भुसालको प्रमुख आतिथ्यतामा साइकलयात्रा शुरु गरिएको हो । ‘स्वस्थ जीवन र स्वच्छ बातावरण’ भन्ने मूल नाराका १२३ जना साइकल यात्री फर्पिङ पुग्दा त्यस नगरपालिकाका मेयर मोहन बस्नेत र उपमेयर बसन्ती डंगोल तामाङले स्वागत गर्नुका साथै सहभागीहरुलाई प्रमाणपत्र वितरण गरेका थिए ।
आन्तरिक पर्यटनलाई बढावा दिने उद्देश्यले ललितपुरको धोबीघाटदेखि फर्पिङको जलाशयसम्म २५ किलोमिटरको यात्रा तय गरिएको संस्थका व्यवस्थापक सुन्दरप्रसाद श्रेष्ठले जानकारी दिए ।
२०५४ सालमा मंसीर ३ स्थापना भएको संस्थाले रजत वर्ष विविध कार्यक्रम आयोजना गर्ने उनले जानकारी दिए । संस्थाले आगामी शनिवार खुल्ला स्वास्थ्य शिविरको आयोजना गरेको र सदस्यहरुले ७ वटा रोगको स्वास्थ्य जाँच गर्न पाउनेछन् भने मधुमेह रोगको परीक्षण सबैलाई निःशुल्क गरिएको छ ।
संस्थाले आर्थिक वर्ष २०७७।०७८ सम्म ३ करोड ३६ लाख शेयरपुँजी, ३५ करोड ८ लाख बचत संकलन र ३७ करोड ३२ लाख ऋण लगानी गरेको छ । संस्थाले यसै आ.व.मा संस्थाको आफ्नै भवनबाट सेवा दिनका लागि प्रक्रिया अगाडि बढाएको छ ।
सदस्य र समुदायको आर्थिक, सामाजिक तथा साँस्कृतिक उत्थानमा सदैव संस्थाको प्रयास रहेको हालसम्म २८१३ सदस्य आवद्ध भएको व्यवस्थापक श्रेष्ठले जानकारी दिए ।
