संचित बचत तथा ऋण सहकारी संस्था लि. सम्मानित भएको छ । भक्तपुर जिल्ला बचत तथा ऋण सहकारी संघको १७ औं वार्षिक साधारणसभाको अवसरमा संघले संरक्षित पुँजी फिर्ता अन्तर्गत ऋणतर्फ सबैभन्दा बढी कारोबार गरेकोमा संचितलाई सम्मान गरेको हो । संस्थाले संघको आ.व. २०७७।७८ को कूल ब्याज आयमा ३६.२१ प्रतिशत योगदान गरेको छ ।
सभाका प्रमुख अतिथि नेपाल मजदुर किसान पार्टीका अध्यक्ष नारायणमान बिजुक्छेँले संस्थाका अध्यक्ष योगेन्द्र बहादुर खरबुजालाई सम्मानपत्र हस्तान्तरण गरेका हुन् । संस्थाले २०७४ मा ७.१३, २०७५ मा ७.८१, २०७६ मा ८.२, २०७७ मा १०.८९ र २०७८ मा ३६.३१ प्रतिशत योगदान गरेको थियो ।
संचितले आर्थिक वर्ष २०७७।०७८ सम्ममा संस्थाका कुल सदस्य संख्या २५१७ पुगेको, शेयरपुँजी २ करोड १८ लाख ८२ हजार, बचत संकलन ४२ करोड ८२ लाख ३६ हजार, ऋण लगानी ४३ करोड १२ लाख ६६ हजार गरेको छ । त्यस अवधिमा संस्थाको कुल सम्पत्ति ५७ करोड ७६ लाख पुगेको छ ।
योसँगै ऋणतर्फ सागबारी साकोस र तौडोल छाप साकोसले २०७८ मा १४.९१ र ९.८९ प्रतिशत संघको ब्याज आयमा योगदान गरी सम्मानित भएका छन् ।
