नेपाल बैंकर्स संघको अध्यक्षमा कृषि विकास बैंकका सीइओ अनिल उपाध्याय निर्विरोध चयन भएका छन् । मंगलबार भएको संघको साधारणसभाबाट उनी निर्विरोध चयन भएका हुन् ।
निवर्तमान अध्यक्ष भुवन कुमार दाहालको कार्यकाल पूरा भएसँगै आगामी दुई वर्षका उपाध्याय अध्यक्षको भूमिकामा रहनेछन् ।
संघको उपाध्यक्षमा एनएमबी बैंकका प्रमुख कार्यकारी अधिकृत सुनिल केसी चयन भएका छन् ।
यस्तै, संघको सदस्यमा लक्ष्मी बैंकका अजयकुमार साह, मेगा बैंककी अनुपमा खुञ्जेली, नेपाल बैंकका कृष्णबहादुर अधिकारी, नेपाल एसबीआई बैंकका दिपक कुमार दे, सनराइज बैंकका सुनम शर्मा, माछापुच्छ्रे बैंकका सन्तोष कोइराला र एनआइसी एशिया बैंकका रोशन कुमार न्यौपाने चयन भएका छन् ।
