भूमि व्यवस्था, सहकारी तथा गरिबी निवारण मन्त्री बलराम अधिकारीले सहकारी मुलुकको अर्थतन्त्रको मेरुदण्ड बनेर उभिनुपर्ने बताएका छन् । नेफ्स्कूनले आज ३८ औं स्थापना  दिवसको अवसरमा आयोजना गरेको कार्यक्रमको प्रमुख अतिथिको रुपमा बोल्दै उनले दिर्घकालिन रुपमा सहकारी अभियानलाई व्यवस्थित गर्न र राज्यले अघि सारेको अर्थतन्त्रको ३ खम्बा मध्ये एक खम्बाको रुपमा स्थापित गर्न आवश्यक परे सरकारले ऐन संशोधन गर्ने समेत बताए ।

अर्थतन्त्रको मेरुदण्ड सहकारी भएको भन्दै उनले आधारभूत जनतालाई वित्तीय सहयोगी प्रदान गरी आयआर्जन वृद्धि र आर्थिक समृद्धिमा सहयोग पु¥याउने काममा सहकारीको भूकिका महत्वपूर्ण भएको बताए । सहकारीकर्मीले मागेका कारण राष्ट्र बैंकलाई नियमनको लागि ल्याइएको उनले बताए । त्यसैले राष्ट्र बैंकको विधि अनुसार नियमन गर्दा सहकारीको सिद्धान्त अनुसार मेल खाएन  भन्नु गलत हुने उनको भनाई छ । राष्ट्र बैंक र सहकारीको ऐनबिच तालमेल नमिलेको भन्दै उनले अभियानले सुधार गर्दै  जाने र राष्ट्र बैंकले सहजता बनाउदै जाने उल्लेख गरे । यो क्षेत्र सुधार भएन भने अझ कडाई गर्दै जाने समेत उनले प्रष्ट पारे ।  विगतमा सहकारी अभियान्ताले उठाएका मागलाई राज्यले संबोधन गरेको भन्दै सबै कुरा मिली सके र  बाँकी केहि पनि छैन भन्ने ठाउँमा भने पुग्न बाँकी रहेको उनले जनाए ।

सहकारी अभियानलाई सुधार गर्दा कठोर पनि बन्नु पर्ने र प्रक्रियामा लैजाँदा केहि असहजता समेत हुने उनको भनाई छ ।  सहकारी ऐन नियम र विधिमा सञ्चालन भए कुनै समस्या नआउने उनको भनाई छ । संघहरुमा राखेको तरलता गणनाको विषयमा समेत आवाज उठिराखेको भन्दै मन्त्री अधिकारीले भने,‘ विग्रेका कुरालाई सुधार गर्न तपाईहरुलाई सजग गराई क्रमशः उत्साह थप्दै जाने हो । दिएको समयमा  संघहरुको अवस्था सुधार भएमा फेरी छलफल गरौँला । सरकारले सहकारी नियमन प्रािधकरण, कर्जा असुली न्यायाधिकरण र समस्याग्रस्त सहकारी व्यवस्थापन समिति गठन गरी तीन वटै निकायले पूर्ण रुपमा काम गर्न सक्ने अवस्थामा पुगेको छ । यी निकायले हिजोको समस्या समाधान गर्दै अभियानलाई बलियो बनाउन काम गर्छन् ।’ उनले विधिमा टेकेर नियमित रुपमा काम गर्न आग्रह गर्दै सम्बन्धित निकायले समस्या फुकाउन सघाउने उल्लेख गरे । संघ संस्थामा थुप्रिएको  गैर बैकिङ सम्पत्ति व्यवस्थापनको विषयमा पनि सरकारले सघाउने उनको भनाई छ । कतिपय नमिलेका कुरालाई ऐन संशोधन गरी मिलाउन आवश्यक रहेको भएको  मन्त्री अधिकारीले बताए । 

 दर्ता गर्ने तर काम नगर्ने सहकारीलाई खारेज गर्ने उनले बताए । सहकारी बचाउनको लागि नभई काम गर्नको लागि मात्र मर्ज गर्नुपर्ने उनको धारणा छ । धेरै झोले संस्थालाई व्यवस्थित गरी बलियो संस्था बनाउन मर्ज गर्नुपर्ने उनको भनाई छ । भूगोल र जनसंख्याको आधारमा मात्र सहकारी दर्ता गर्नु पर्ने र एक ठाउँको बसाई र अर्को ठाउँमा संस्था खोल्ने प्रवृतिका कारण समस्या आएको उनले बताए । नेफस्कूनले गरेको सुधारको प्रशंशा गर्दै मन्त्री ७ अर्बको खराब ऋणलाई ३ अर्बमा झार्नु उपलब्धी भएको बताए । उनले भने,‘ गरेपछि हुनेरहेछ, अर्को बषर्को बार्षिकोत्सब मनाउँदा सबै कुरा सुधार गनुस् । भएको गैर सम्पत्ति विक्री गरिसक्यौं,खराव कर्जा शुन्यमा झार्यौ,संघ बलियो भएर चलायमान भएको छ भन्ने गरी काम गनुस् । सहयोग गर्न मन्त्रालय र सम्बन्धित निकायले कहाँ कस्तो सपोट गर्नुपर्छ, त्यो गर्न हामी तयार छौं ।’