राष्ट्रिय सहकारी नियमन प्राधिकरणको विज्ञ सदस्यमा डा. रमेश चौलागाई नियुक्त हुनेभएका छन् । मन्त्रिपरिषद्को  हिजो बसेको बैठकले चौलागाईंलाई विज्ञ सदस्यमा  नियुक्त गर्ने निर्णय गरेको हो ।

लोकसेवा आयोगका अध्यक्ष माधव रेग्मीको अध्यक्षतामा रहेको ‘राष्ट्रिय सहकारी नियमन प्राधिकरणको अध्यक्ष र विज्ञ सदस्य पदमा नियुक्तीका लागि गठित सिफारीस समिति’ले साउन १० गते विज्ञ सदस्यको व्यवसायीक कार्ययोजना प्रस्तुतीकरण र अन्तरवार्ता लिएको थियो । समितिले नियुक्तिका लागि तीन जनाको नाम भूमि व्यवस्था, सहकारी तथा गरिबी निवारण मन्त्रालयलाई सिफारिस गरेको थियो । समितिले विज्ञ सदस्यका लागि नेपाल राष्ट्र बैंकका पूर्व कार्यकारी निर्देशक नारायणप्रसाद पौडेल उपाध्याय,नेपाल राष्ट्र बैंकका उपनिर्देशक डा. रमेशप्रसाद चौलागाई र कानुन व्यवसायी शहदेव बस्नेतको नाम सिफारीस गरेको थियो ।

प्राधिरकणले अध्यक्ष सहित ३ सदस्य पाइसकेको छ । सहकारी मन्त्रालय र राष्ट्र बैंकका प्रतिनिधि यसअघि नै प्राधिकरणको सदस्यमा नियुक्त भइसकेका छन् । प्राधिकरणमा चार्टड एकाउन्टेन्ट सदस्यको रुपमा सरकारले नियुक्त गर्ने कानुनी व्यवस्था रहेको छ । सो को नियुक्तीपछि प्राधिकरणले पूर्णता पाउने छ । स्थानीय, प्रदेश र संघीय कार्यक्षेत्र भित्रका बचत तथा ऋणको मुख्य कारोबार गर्ने सहकारी संस्थाको प्राधिरकणले  नियमन गर्नेछ।