नेपालपत्र संवाददाता
सानिमा रिलायन्स लाइफ इन्स्यारेन्सले लगानीकर्तालाई लाभांश दिने भएको छ । कम्पनीको हिजो बसेको सञ्चालक समिति बैठकले आर्थिक वर्ष २०८०/८१ को नाफाबाट सेयरधनीलाई १.२४८९ प्रतिशत बोनस सेयर र ८ प्रतिशत नगद सहित ९.२४८९ प्रतिशत लाभांश दिने प्रस्ताव गरेको छ ।
उक्त प्रस्ताव बीमा प्राधिकरण र कम्पनीको आगामी वार्षिक साधारण सभाले स्वीकृत गरेपछि सेयरधनीलाई वितरण हुनेछ । गत वर्ष कम्पनीले १८.३८११ प्रतिशत बोनस सेयर वितरण गरेको थियो ।
