सिन्धुपाल्चाेक जिल्लामा केन्द्रविन्दु भएर आज दिउँसो दुइपटक भूकम्प गएको छ । सिन्धुपाल्चोकको पाङफुङ केन्द्रविन्दु बनाएर चार दशमलव सात रेक्टर स्केलको भूकम्प गएको राष्ट्रिय भूकम्प मापन केन्द्रले जनाएको हाे ।
राष्ट्रिय भूकम्प मापन तथा अनुसन्धान केन्द्रको वरिष्ठ भूकम्पविद् लोक विजय अधिकारीका अनुसार पाङफुङलाई केन्द्र बनाएर आजै दुईवटा भूकम्प गएको हो। पहिलो भूकम्प दिउँसो १ बजेर ४६ मिनेटमा ४.७ म्याग्निच्युडको गएको उनले बताए। ४.७ म्याग्निच्युडकै दोस्रो भूकम्प पनि १ बजेर ५६ मिनेटमा गएको अधिकारीले बताए।
भूकम्पको धक्का दोलखा, रामेछाप, काठमाण्डौ लगायतका जिल्लामा पनि महसुस गरिएको छ । दुवै भूकम्प गोरखा भूकम्पकै परकम्प रहेको केन्द्र जनाएको छ।
