भक्तपुर जिल्ला बचत तथा ऋण सहकारी संघ लि.को तालिम व्यवस्थापन उपसमितिको आयोजनामा नेपाल बचत तथा ऋण केन्द्रीय सहकारी संघ नेफ्स्कूनको प्राविधिक साझेदारीमा कर योजना तालिम  सम्पन्न भएको छ ।

संघका उपाध्यक्ष हरि कृष्ण बल्लले संस्थाका कर्मचारीहरु सदैब नयाँ ज्ञान सिप सिक्नका लागि जागरुक हुनुपर्ने उनले बताए । उनले संस्थाले तिर्नुपर्ने कर दायित्व समयमा दाखिला गरी दण्ड जरिवनाबाट बचाउने दायित्व कर्मचारीको भएकाले तालिमले दायित्व निभाउन टेवा पु¥याउने उनको भनाई छ । हाल जारी अध्यादेशले कार्यक्षेत्रको आधारमा व्यक्तिगत बचतको सिमा तोक्नुले सहकारीमा बचत फिर्ताको चाप बढ्न गई थप समस्या सिर्जना हुने देखिएकोले तत्काल संशोधन गर्नुपर्ने उनको माग छ । 

संघका संचालक इन्द्रप्रसाद व्यान्जुले संस्थाले तिनुपर्ने कर तथा अन्य विवरणहरु समयमा दाखिला गरी दण्ड जरिवानाबाट बच्न कर्मचारीहरुलाई कर सम्बन्धी ज्ञान हुनु आवश्यक रहेको बताए । उनले सिकेका ज्ञान सिप कार्यरत संस्थामा प्रयोग गरी  अगाडि बढ्न उनको सुझाव छ । संघका प्रमुख कार्यकारी अधिकृत बालकृष्ण धोजुले कर सम्बन्धी तालिम लिएर मात्र नहुने र कर प्राविधिक विषय भएकोले यसको निरन्तर प्रयोग र सिकाई गर्नुपर्ने उल्लेख गरे । उनले हाल जारी भएको अध्यादेशका बारेमा संघमा आबद्ध सदस्य संस्थाहरुसंग छलफल गर्न अन्र्तक्रिया कार्यक्रमको आयोजना गरिएका बताए ।

लेखापरिक्षक प्रद्युमन घिमिरेले करको विषय सिक्न लेखाको ज्ञान हुनुपर्ने बताए । तालिममा सिकेका कुराहरुको अभ्यास नगरिकन सिक्न नसक्ने भएकाले निरन्तर अभ्यास गर्नुपर्ने उनको भनाई छ । उनले कर दाखिला, अग्रिम कर दाखिला, इ टिडिस र इ फाइलिङ्गको प्रयोगात्मक सिकाई समेत गरेका थिए । तालिममा सहभागीहरुले सहकारीले दाखिला गर्नुपर्ने कर, राजश्व शिर्षक, दाखिला गर्ने तरिका, इटि डिस, इफाइलिङ्ग, अनुमानित करदाखिला लगायतका विषयमा प्रयोगात्मक सिकाई भएकोले खुशी व्यक्त गरे । तालिममा संघमा आबद्ध संस्थाहरुका पदाधिकारी, व्यवस्थापक तथा लेखासम्बन्धीत कर्मचारीहरु २५ जनाको सहभागिता रहेको थियो । तालिमको समापन कार्यक्रमको संचालन संघका कर्मचारी रोकेश जोशीले गरेका थिए ।