भक्तपुर जिल्ला बचत तथा ऋण सहकारी संघको  वार्षिक समीक्षा तथा आ.ब. २०८१/८२ को बजेट सुझाव संकलन कार्यक्रम  सम्पन्न भएको छ । संघका  अध्यक्ष कृष्णगोविन्द लाखाजुले वार्षिक समीक्षा तथा आ.ब. २०८१/८२ को बजेट सुझाव संकलन कार्यक्रममा संघले अनुगमनलाई प्राथमिकता दिने र समय अनुकुल सामाजिक उत्तरदायित्वमा ध्यान दिएर सदस्य सस्ंथालाई आर्थिक पक्षमा सुदृढ बनाउने बताए ।  संस्थाहरु बलियो भयो भने संघ समेत बलियो हुने भएकोले संस्थाहरुको चौतर्फी विकासमा संघ निरन्तर प्रयासरत रहेको बताउनुभयो । वहाँले आ.ब. २०८०÷८१ मा तय गरेका कार्यक्रम तथा बजेट सफलतापूर्वक प्राप्त भएको समीक्षा  जनाए ।

कार्यक्रममा संघका उपाध्यक्ष हरि कृष्ण बल्लले समीक्षाको महत्व राख्दै नीतिमा चल्दै आएको संघ र संस्थाहरुमा समस्या नरहेको बताए । हालको अवस्था समुदायमा आधारित संस्थाको लागि  अवसर रुपमा रहेको ्उनको भनाई छ । संघका सचिव जगनाथ प्रजापतिले आ.ब. २०८०/८१ को कार्यक्रम तथा तालिम प्रगतिको बारेमा प्रस्तुत गर्दै कार्यक्रम समीक्षा अन्र्तगत सहकारी अभियानका कार्यक्रम, सदस्य, संचालक र कर्मचारीहरुको क्षमता विकासका तालिमहरु र संघले प्रदान गर्ने सेवाहरुको बारे प्रगति प्रतिवेदन पेश  गरेक थिए ।विभिन्न उपसमितिहरुद्धारा ११ वटा सदस्य संस्थाहरुमा अनुगमन भएको जानकारी उनले दिए ।  बागमती प्रदेश बचत तथा ऋण सहकारी संघ लि.को पाँचौ स्थापना दिवसबाट उत्कृष्ट जिल्ला बचत संघको पुरस्कार घोषणा भएको  बताए ।

संघका कोषाध्यक्ष कान्छाभक्त घजुले आ.ब. २०८०/८१ आर्थिक समीक्षागर्दै उहाँले कुल पुँजी तथा दायित्वमा गत वर्षको तुलनामा ५८ प्रतिशतले बृद्धि भई ३ अरब ५२ करोड पु¥याउन सफल भएको  बताए ।१४४ प्रतिशतले प्रगति हासिल भएको र  आम्दानी  तथा खर्चमा ११० प्रतिशत लक्ष्य हासिल भई लेखापरिक्षण पूर्व ५ करोड ६६ लाख आय भएको प्रतिवेदन पेश गरेका थिए ।लेखा सुपरिवेक्षण समितिका संयोजक बालमुकुन्द उपाध्यायले बैंक वित्तीय संस्थामा वित्तीय लगानी गरेर संघ दिगो नहुने भन्दै सदस्यता बृद्धि र ऋण लगानी बढाउनमा जोड दिए ।  संघको अग्रिम व्याजकर दाखिला ७ करोड ६८ लाख भन्दा बढी रहेकोले यो रकम फिर्ता वा घटाउन संघले विशेष योजना ल्याउनुपर्ने  उनको भनाई छ ।

संघका व्यस्थापक बालकृष्ण धोजुले  आ.ब. २०८१÷८२ को कार्यक्रम योजना तथा बजेट प्रस्तुत गर्र्दै संघको सदस्य सक्षमता विकास, संचालक र कर्मचारी क्षमता विकास, संस्थागत विकास, अनुगमनका लागि योजना तथा बजेट प्रस्तुत गरेका थिए  । साथै  उनले ऋण लगानीलाई प्रोत्साहन गरी अग्रिम व्याजकर दाखिला घटाउने योजना समेत राखेका थिए। वार्षिक समीक्षा तथा आ.ब. २०८१/८२ को बजेट सुझाव संकलन कार्यक्रममा सञ्चालक समिति, लेखा सुपरिक्षण समिति, उपसमिति र कर्मचारीहरु गरी ४४ जनाको उपस्थिति रहेको थियो ।