‘एशियाका ज्योति’ भगवान गौतम बुद्ध (ई.पू.५६३/४८०–४८०/४००) लुम्बिनी (आधुनिक नेपाल) मा जन्मेको सर्वप्रथम यकिन गर्ने कलिङ्ग (आधुनिक उडिसा, भारत) का सम्राट अशोक (ई.पू. ३०४-२३२) हुन् । लुम्बिनीको अशोक स्तम्भ त्यसमा ब्राम्ही लिपीमा लेखिएको ब्यहोरा त्यसैको प्रमाण हो । अशोक स्तम्भमा लेखिएको छ, “जब राजा देवानाम्प्रिय प्रियदर्शिनलाई बीस वर्षअघि अभिषेक गरिएको थियो, तब उहाँ स्वयं यहाँ (लुम्बिनीमा) आउनुभयो (सन् तेस्रो शताब्दी) र पूजा गर्नुभयो, किनभने बुद्ध शाक्यमुनीको जन्म यहीँ भएको थियो । उहाँले घोडा कुँदिएको ढुङ्गा बनाउन लगाउनुभयो, जो वरदान प्राप्त यहीँ जन्मनु भएको देखाउनका लागि हो । उहाँले लुम्बिनीको गाउँलाई करमुक्त बनाउनु भयो, र आफ्नो उपजको आठौँ अंशमात्र बुझाउँदा हुने बनाइदिनु भयो ।” सोही अशोक स्तम्भमा १३औँ वा चौधौँ शताब्दीतिर रिपु मल्लले ‘ॐ मणि पद्मे हूँ’ थप्न लगाए ।\