एक्सप्रेस बचत तथा ऋण सहकारी संस्था लि. ले साधारण सभा संचालन सम्बन्धि निर्देशनको बुँदा नं. ४ लाई पालना गर्दै संस्थाको तेह्रौ बार्षिक साधारण सभा सम्पन्न गरेको छ । संस्थाका अध्यक्ष देवसागर लामा सञ्चालक समिति तथा विभिन्न उपसमिति सदस्य र शेयरसदस्यहरुको क्रमिक उपस्थितिमा २०७८ भाद्र १७ गते देखि २३ गतेसम्म संस्थाको कार्यालयमा नै सदस्यहरुलाई बार्षिक प्रगती पुस्तिका उपलब्ध गराउँदै तथा अन्तरक्रिया गर्दै ७ दिनसम्मको अवधिसम्म १६०७ जना सदस्यहरुको सहभागितामा साधारण सभा सम्पन्न भएको हो ।
सदस्यहरुले प्रतिबेदनको अध्ययन गरि विभिन्न विषयमा दिएको सल्लाहसुझाव र प्रतिक्रियालाई संकलन गर्दै साधारण सभा निर्णय पुस्तिका तयार पारिने अध्यक्ष लामाले बताए ।
संस्थाले १२ औ वर्षलाई सफलतापूर्वक पार गरि १३ औ वर्षको यात्रामा प्रवेश गर्दै गर्दा धेरै सदस्यहरुको सद्भाव र विश्वास प्राप्त गरि संस्था २२.७२ करोडको सम्पत्ति तथा दायित्वमा पु¥याएको छ । संस्थागत लगायत अन्य कोष बृद्धिमा ४.९४ प्रतिशत पु¥याउन सफल भएको छ । बचत तथा ऋणमा १७.६६ करोड बराबरको कारोबार भएको छ भने कर्जा नोक्सानी ब्यवस्थाम जम्मा ऋण लगानीको ५% अर्थात ८८.३४ लाख बराबर ब्यवस्था गर्न सफल भएको छ ।
गएको आ.व.मा संस्थाले ५९ लाख २७ हजार बचत (नाफा) गर्न सफल भएको छ । संस्थाको अन्य करहरु बाहेक नाफाबाटमात्र करमा योगदान ३.०४ लाख बराबरको रहनेछ । नियमकानुन र सहकारी ऐनलाई पालना गर्दै सदस्यहरु सेवा र सुविधा दिन क्रियाशील रहने अध्यक्ष लामाले बताए ।
कोरोना भाइरस संक्रमणको प्रतिकूल परिस्थितिमा पनि संस्थाले सदस्यहरुको लागि प्रवाह गर्न सकेको सेवा सुविधा र सदस्यहरुले पनि संस्था प्रति देखाएको माया विशेष रहेको संस्थाले जनाएको छ । वित्तीय सेवाको साथमा शिक्षा र स्वास्थ्यको क्षेत्रमा पनि सदस्यहरुलाई सघाउ पु¥याउँदै संस्थाले स्थानीय स्तरमा सबल एवं सहज सहकारी संस्थाको रुपमा परिचय बनाउन सकेको संस्थाका प्रमुख कार्यकारी अधिकृत अरुण थापाले बताए ।
