सरकारले त्रिभुवन विश्वविद्यालयको २० औँ उपकुलपतिमा पोखरा विश्वविद्यालयको पूर्व उपकुलपति समेत रहेका प्रा.डा. केशरजंग बराललमई नेपाल सरकार तथा प्रधानमंन्त्री तथा कुलपत प्रचण्डले नियुक्त गरेको छन् । यस अघि सिफारीसमा परेकाे बागलुङ प्राडा. चित्र बहादुर बुडाथाेकि एक नम्बरमा परेकाे सार्वजनिक भएकाे थियाे। शिक्षामन्त्री अशोककुमार राईको अध्यक्षतामा रहको सिफारिस समितिले सिफारिस गरिएकामध्ये दोस्रो नम्बरमा रहेका बराललाई नियुक्त गरेको छ।

 

 

सन् २०१४ सालमा पाल्पा जिल्लामा जन्मिएका बराल २०३९ सालदेखि नेपालको उच्च शिक्षा रहेका हुन् । वि.सं. २०३९ सालमा  विराटनगरको महेन्द्र मोरङ क्याम्पसबाट प्राध्यापन सेवा गरेका बराल २०४१ सालमा पोखराको पृथ्वीनारायण क्याम्पसमा सरुवा भई कार्य गरे। पृथ्वीनारायण क्याम्पसमा पढाउँदै गर्दा उनी विश्वविद्यालयको वृत्ति विकास कार्यक्रम अन्तर्गत छात्रवृत्तिमा पढ्न २०५० सालमा विद्यावारिधि अध्ययनका लागि भारतको दिल्ली युनिभर्सिटीबाट २०५३ मा अध्ययन सकाएका हुन् । भारतमा अध्ययन सकेर नेपाल फर्केका बरालले विश्व बैंकको उच्च शिक्षा भन्ने प्रोजेक्टमा कन्सल्टेन्ट भएर पाेखरा क्याम्पसमै काम गर्ने मौका पाएका बरालले एसियन डेभलपमेन्ट बैंकको परियाेजनामा तीन बर्ष बित्त सल्लाहकार भएर समेत काम गर्ने माैका पाए। त्रिभुवन विश्वविद्यालयको उपकुलपतिमा प्रा.डा. बराल नियुक्त क्याम्पसमा उनी वित्त शास्त्र र अनुसन्धान विभागीय प्रमुख भएर काम गर्ने माैका पाए । यसै समयमा बराल त्रिबि व्यवस्थापन संकायको वित्त शास्त्र विशेष समितिको सदस्य समेत भएर पछि त्यसको स्थायी समितिको सदस्य भएर काम गरेका हुन् । उनी त्रिबिकाे विद्या परिषद्को फेकल्टी बोर्डका सदस्यमा नियुक्त भएर काम गरे । पोखरा विश्वविद्यालयको स्थापनाकाल देखि नै उनी व्यवस्थापन विशेष समितिको सदस्य भएर काम गरे । उनि २०६४ सालमा सरकारले उनलाई पोखरा विश्वविद्यालयको उपकुलपतिमा नियुक्ति गरेकाे थियाे । 

 

उनले चार वर्षे कार्यकाल सम्पन्न गरेर २०६८ सालमा पोखरा विश्वविद्यालयको भिसी भएर आफ्नो कार्यकाल पुरा गरेसँगै उनी पुनः त्रिभुवन विश्वविद्यालयमै फर्किए पछि उनी अमेरिका प्राध्यापनका लागि गएर र २०६४ सालमा नेपाल फर्किएर त्रिविमा पढाईरहेका हुन् । २०६४ देखि २०६८ सालमा विश्वविद्यालय अनुदान आयोगको बोर्ड मेम्बर पनि भएर काम गरे । त्रिविको व्यवस्थापन संकायको अनुसन्धान समितिको सदस्य भएर काम गरेपछि २०६९ सालमा उनी भिजिटिङ प्रोफेसरको रूपमा पढाउन चीन गए । नेपाल फर्केर त्रिविमा नै पढाउन थाले र २०७७ सालमा त्रिविबाट सेवानिवृत्त भए ।

 

सरकारले गठन गरेका विभिन्न आयोग तथा समितिमा समेत रहेका काम गरेको अनुभव बरालसँग छ । त्रिभुवन विश्वविद्यालय र कृषि तथा वन विश्वविद्यालयबिच विवाद समाधान समितिमा रहेर काम गरे। अहिले उनी विश्वविद्यालय अनुदान आयोगको गुणस्तर सुनिश्चितता तथा प्रत्यायन परिषद विशेषज्ञको रूपमा काम गर्दै अहिले त्रिविको व्यवस्थापन संकायको पीएचडीका विद्यार्थीलाई पढाउँदै आएका छन् । त्यस्तै पोखरा विश्वविद्यालयका पीएचडीका विद्यार्थीलाई समेत सहजीकरण गर्दै आएका छन्। २०३९ सालदेखि नेपालको उच्च शिक्षामा निरन्तर सक्रिय रहेका उनी कुनै पनि निजी क्याम्पसमा भने आवद्ध छैनन् ।